சிறந்த கருத்துகளை மக்களிடையே கொண்டு சென்றவர் கவிஞர் முத்துலிங்கம்

விஐடி வேந்தர் கோ.விசுவநாதன் பாராட்டு

- 

சென்னை, மார்ச் 29: திரைப்படப் பாடல்கள் மூலம் சிறந்த கருத்துகளை மக்களிடையே கொண்டு சென்றவர் கவிஞர் முத்துலிங்கம் என்று விஐடி வேந்தர் கோ.விசுவநாதன் புகழாரம் சூட்டினார்.

திரைப்படப் பாடலாசிரியர் கவிஞர் முத்துலிங்கம் 50 ஆண்டு கால திரைப்பயணத்தை நிறைவு செய்ததைக் கொண்டாடும் வகையில், தென்னிந்தியத் திரைப்பட எழுத்தாளர் சங்கம், மயிலாப்பூர் கணபதிஸ் வெண்ணெய்-நெய் கடை ஆகியவை இணைந்து சனிக்கிழமை பாராட்டு விழாவை நடத்தின.

சென்னை ஆழ்வார்பேட்டையில் உள்ள நாரத கான சபாவில் நடைபெற்ற இவ்விழாவுக்கு தென்னிந்தியத் திரைப்பட எழுத்தாளர் சங்கத் தலைவர் இயக்குநர் கே.பாக்யராஜ் தலைமை வகித்தார்.