பாஜக எம்எல்ஏ உள்பட 16 பேர் மீது வழக்குப் பதிவு

சிறப்பு நீதிமன்ற உத்தரவைத் தொடர்ந்து உத்தர பிரதேச மாநிலம், படாயுன் மாவட்டத்தின் பில்சி தொகுதி பாஜக எம்எல்ஏ ஹரிஷ் ஷக்யா, அவரது உறவினர்கள் உள்பட 16 பேர் மீது கூட்டு பாலியல் வன்கொடுமை குற்றச்சாட்டில் வழக்குப் பதிவு செய்யப்பட்டுள்ளது.

- 

மேலும், இவர்கள் மீது மோசடி, புகார்தாரரை பொய் வழக்குகளில் சிக்கவைத்தல் உள்ளிட்ட குற்றச்சாட்டுகளும் சுமத்தப்பட்டுள்ளதாக போலீஸார் தெரிவித்தனர்.

எம்எல்ஏ ஷக்யா மற்றும் அவரது கூட்டாளிகள் தன்னையும் குடும்ப உறுப்பினர்களையும் மிரட்டி, பணம் பறிப்பதாக கிராமவாசி ஒருவர் அளித்த புகாரின்பேரில் வழக்கு பதியுமாறு சிறப்பு நீதிமன்ற நீதிபதி லீலு சௌதரி கடந்த 11ஆம் தேதி உத்தரவிட்டார்.