கேரளம், கர்நாடகத்தில் விறுவிறுப்பான வாக்குப் பதிவு

88 தொகுதிகளுக்கு 2-ஆம் கட்ட தேர்தல்

நாடு முழுவதும் 12 மாநிலங்கள் மற்றும் ஜம்மு-காஷ்மீர் யூனியன் பிரதேசம் ஆகியவற்றில் இடம்பெற்றுள்ள 88 மக்களவைத்தொகுதிகளுக்கு வெள்ளிக் கிழமை நடைபெற்ற இரண்டாம் கட்ட தேர்தலில் இரவு 7 மணி நிலவரப்படி 60.96 சதவீத வாக்குகள் பதிவாகின.

கேரளத்தில் 20 தொகுதிகளிலும், கர்நாடகத்தில் 14 தொகுதிகளிலும் வாக்குப் பதிவு விறுவிறுப்பாக நடைபெற்றது.

அதிகபட்சமாக திரிபுரா மாநிலத்தில் 78.53 சதவீத வாக்குகளும், குறைந்தபட்சமாக உத்தரபிரதேசத்தில் 53.71 சதவீத வாக்குகளும் பதிவாகியிருப்பதாகவும், வாக்குப்பதிவு அமைதியாக நடைபெற்றதாகவும் தேர்தல் ஆணைய அதிகாரிகள் தெரிவித்தனர்.

மக்களவைக்கு ஏழு கட்டங்களாக தேர்தல் நடத்தப்பட்டு வருகிறது. முதல் கட்டமாக தமிழகம் (39), புதுச்சேரி (1) உள்பட 21 மாநிலங்கள்-யூனியன் பிர தேசங்களில் அடங்கிய 102 தொகுதிகளுக்கு ஏப்ரல் 19-ஆம் தேதி வாக்குப் பதிவு நடைபெற்றது. இதில் சுமார் 65.5 சதவீத வாக்குகன் பதிவாகின.

கேரளத்தில் மொத்தமுள்ள 20 தொகுதிகளுக்கு ஒரே கட்டமாகவும், கர்நாடகத்தில் மொத்தமுள்ள 28 தொகுதிகளில் 14 தொகுதிகளுக்கும், ராஜஸ்தானில் 13. மகாராஷ்டிரம், உத்தரபிரதேசத்தில் தலா 8, மத்திய பிரதேசத்தில் 6, அஸ்ஸாம், பிகாரில் தலா 5, சத்தீஸ்கர், மேற்கு வங்கத்தில் தவா 3, மணிப்பூர், திரிபுரா, ஜம்மு-காஷ்மீரில் தலா ஒரு தொகுதியிலும் வெள்ளிக்கிழமை காலை 7 மணிக்கு வாக்குப்பதிவு தொடங்கியது.

கேரளம், கர்நாடகத்தில் காலையிலேயே வாக்காளர்கள் நீண்ட வரிசையில் தின்று வாக்குசுனைப் பதிவு செய்தனர்.

2-ஆம் கட்டத் தேர்தல் களத்தில் மொத்தம் 1,202 வேட்பாளர்கள் உள்ளனர். இதில் பெண் வேட்பாளர்கள் 102 பேர். மூன்றாம் பாலினத்தைச் சேர்ந்தவர்கள் இருவர்.