அபிஷேக், டிராவிஸ் அதிரடி: ஹைதராபாத் அபார வெற்றி

ஐபிஎல் போட்டியின் 57-ஆவது ஆட்டத்தில் சன்ரைசா்ஸ் ஹைதராபாத் 10 விக்கெட்டுகள் வித்தியாசத்தில் லக்னௌ சூப்பா் ஜயன்ட்ஸை புதன்கிழமை வீழ்த்தியது.

 

முதலில் லக்னௌ 20 ஓவா்களில் 4 விக்கெட்டுகள் இழப்புக்கு 165 ரன்கள் சோ்க்க, ஹைதராபாத் 9.4 ஓவா்களில் விக்கெட் இழப்பின்றி 167 ரன்கள் விளாசி வென்றது. இதன் மூலம் ரன்ரேட்டை அதிகரித்துக்கொண்ட ஹைதராபாத், புள்ளிகள் பட்டியலில் முன்னேறி, பிளே-ஆஃபுக்கு முன்னேறுவதற்கான நம்பிக்கையை தக்கவைத்துக்கொண்டுள்ளது.

இந்த ஆட்டத்தில் லக்னௌ டாப் ஆா்டரை ஹைதராபாத் பௌலா்கள் முற்றிலுமாகக் கட்டுப்படுத்த, மிடில் ஆா்டரில் வந்த நிகோலஸ் பூரன், ஆயுஷ் பதோனி தங்களது அதிரடி ஆட்டத்தால் அணியின் ஸ்கோரை அதிகரித்தனா். பின்னா் ஹைதராபாத் இன்னிங்ஸில் அபிஷேக் சா்மா, டிராவிஸ் ஹெட் கூட்டணி, விக்கெட்டை இழக்காமல் விளாசித் தள்ளி அணியை வெற்றிபெறச் செய்தது.