ஜோதி கேள யோகம்

ஒருவர் படித்தால் மட்டும் அவருக்கு அறிவோ, ஞானமோ என்பது ஏட்டுச் சுரைக்காய்தான்.

- ஜோதிட ஆய்வாளர் சிவகணேசன்

ஆனால், ஒரு செயலினால் ஒருவர் அனுபவப்படும் பொழுது ஏற்படும் ஞானமானது படிப்பைவிட பன்மடங்கு உயர்ந்த கல்வியாகும். அந்தக் கல்வியே எக்காலத்திற்கும் மேன்மையை தரும் என்பதை மறக்க வேண்டாம். 'தீ சுடும்' என்பது ஒரு வார்த்தை என்பதை அறிவோம். அதே தீ ஒருவனை சுட்டுவிட்டால் ஏற்படும் கடுமை என்ன என்பதை உணரும் திறனானது, படிக்கும் வார்த்தையைவிட ஒருபடி அனுபவத்தை தரும் என்பது படிப்பிற்கு மேலான விஷயம் என்பதாகும்.அப்படிப்பட்ட ஒரு யோகச் செயலே அனுபவமாக ஒரு மனிதனை மேம்படச் செய்யும். ஜோதிடத்தில் தன அதிபதியான கிரகம், இந்தக் கிரகத்தை அடிப்படையாகக் கொண்ட யோகம் நிச்சயம் நல்ல பலன்களைத் தரும். அவ்வாறு நல்ல பலன்களைத் தரக்கூடிய ஒரு யோகம் 'கேள யோகம்' ஆகும். 'கேள' என்ற சொல்லுக்கு சமஸ்கிருதத்தில் விளையாட்டு அல்லது லீலை என்று பொருள்படும். ஒருவர் கடும் போராட்டம், கடின உழைப்பு, வெளிநாடு செல்லுதல், பொருளை தேடி அலைதல் போன்ற எந்தச் செயல்களும் இல்லாமல் அவர்களுக்கே தெரியாமல் விளையாட்டாக ஒரு வேலை செய்து முடித்து மேன்மையை நோக்கிப் பயணித்தல் என்பது சிறப்பான அமைப்பாகும். இவ்வாறு பயணிக்கும் பொழுதே பொருளாதார மேன்மையும் வாழ்வியல் மேன்மையும் கொண்ட யோகமாக 'கேள யோகம்' உள்ளது.