சக்கலத்திர யோகம்

இந்த உலகில் உள்ள ஒரு ஆணுக்கும் பெண்ணுக்கும் துணை அமைவது என்பது மிகவும் யோகமான அமைப்பாகும். 'மனைவி அமைவதெல்லாம்' இறைவன் கொடுத்த வரம் என கவிஞர் பாடுவதுண்டு. இது நிச்சயம் உண்மைதான். அவ்வாறு அமைந்த துணை ஒருவருக்கு நட்பாகவும், காதலன்/ காதலியாகவும், சிறந்த ஆலோசகராகவும், உங்களை உயர்த்தும் நபராகவும் அமைந்துவிட்டால் இவ்வுலகில் எல்லாச் செல்வங்களுக்கும் ஈடு இணையில்லாச் செல்வம் உங்கள் துணைதான் என்பதை நீங்கள் உணர்வீர்கள். இதுபோல, துணை அமைவது நிச்சயம் வரம்தான் என்றே சொல்ல வேண்டும்.

- ஜோதிட ஆய்வாளர் சிவகணேசன்

ஆனால், ஒரு கணவன் என்கின்ற துணை நமது தாயைப் போலவே எல்லா விஷயங்களையும் பொறுத்துக் கொண்டு நமக்காக சேவை செய்ய வேண்டும் என்ற சிந்தனையுடனும் அதுபோலவே, ஒரு மனைவியானவள் புகுந்த வீட்டிற்குள் வரும் நம்முடைய வீட்டை போலவே இந்த வீட்டை நமக்கு சாதகமாக மாற்ற வேண்டும் என்ற சிந்தனையோடு வாழ்வில் மாற்றமே இல்லாமல் தனது வீட்டில் எப்படி பழக்கப்பட்டிருப்பது போலவே இங்கேயும் எதிர்பார்த்து ஏமாற்றத்தை இருவரும் சந்திக்கிறார்கள். அதுபோலன்றி, உங்களுக்காகவே எல்லாவற்றையும் துறக்கும் துணை அமையக்கூடிய யோகத்தையும் அவரால் பெறுகின்ற பாக்கியங்களை பார்க்கலாம்.

சத்கலத்ர யோகம் என்றால் என்ன?

இங்கு ‘சத்' என்றால் நல்ல என்றும் உண்மையான என்றும் பொருள். கலத்ர / கலத்ரம் என்றால் உங்களுக்கு துணையாக வரக்கூடியவர் என்று பொருள். இந்த யோகமானது, ஏழாம் இடத்திற்குரிய அதிபதி வலிமை பெற்று குரு, சுக்ரன், புதன், சந்திரன் ஆகிய சுப கிரகங்களால் பார்வை செய்யப்படுமாயின் அதற்கு சத்கலத்ர யோகம் என்று பொருள். இதில், ஏழாம் அதிபதி உச்சம் அல்லது ஆட்சி பெற்று இருப்பது, சுக்ரன் என்ற களத்திரக்காரகன் கேந்திரங்களில் அமையப் பெறுவது. இரு இடங்களையும் சுப கிரகங்கள் பார்வை செய்வது சிறப்பாக அமையும்.