வெள்ளத்தால் பாதிக்கப்பட்ட மக்களுக்கு

ஸ்மார்ட் லிப்டிங் பிரிட்ஜ்

- 

மத்திய அறிவியல் மற்றும் தொழில்நுட்ப துறை பள்ளி மாணவர்களுக்கு ஆண்டுதோறும் இன்ஸ்பயர் (புத்தாக்க அறிவியல் ஆய்வு) விருதினை வழங்கி கவுரவித்து வருகிறது. இந்த விருது அறிவியல் மற்றும் தொழில்நுட்பம் தொடர்பான புதிய கண்டுபிடிப்புகளுக்காக வழங்கப்பட்டு வருகிறது.

இந்த விருதைப் பெற நாட்டில் உள்ள அனைத்து அங்கீகரிக்கப்பட்ட பள்ளிகளும் பங்கேற்கலாம். முதல் பரிசு பெறும் கட்டுரை மற்றும் படைப்புக்கு ரூ.10 ஆயிரம் பரிசு வழங்கப்படும். அதன்படி கடந்த 2024 - 2025ம் ஆண்டுக்கான இன்ஸ்பயர் விருது தமிழகத்தில் 1197 பேருக்கு வழங்கப்பட்டுள்ளது.

இதில் குறிப்பாக கோவை மாவட்டத்தில் 25 பேருக்கு இந்த விருது வழங்கப்பட்டுள்ளது. அதன்படி இந்த விருது பெற தகுதி பெற்று மாணவி மெர்சில்டா முதல் பரிசு பெற்று சாதித்துள்ளார். மேட்டுப்பாளையம் அடுத்துள்ள சிறுமுகை மூலத்துறை ஊராட்சி ஒன்றிய நடுநிலை பள்ளியின் எட்டாம் வகுப்பு மாணவி மெர்சில்டா, மழைக்காலங்களில் வெள்ளப்பெருக்கு ஏற்படும் போது நெடுஞ்சாலைத்துறை பாலங்களில் மழை நீர் பெருக்கெடுத்து செல்லும் போது, பொதுமக்களும், வாகன ஓட்டிகளும் பாலத்தை கடக்க முடியாத நிலை ஏற்படுகின்றது. இதற்கு தீர்வாக 'ஸ்மார்ட் லிப்டிங் பிரிட்ஜ்' என்ற புதிய கண்டுபிடிப்பினை மாணவி மெர்சில்டா கண்டுபிடித்துள்ளார்.