அதி யோகம்!

கிரகங்களை அடிப்படையாகக் கொண்டு வரும்

- ஜோதிட ஆய்வாளர் சிவகணேசன்

சுப கிரகங்களை அடிப்படையாகக் கொண்டு வரும் பல யோகங்கள் உள்ளன. அவற்றில், குறிப்பிடும்படியான ஒரு சுபயோகம் என்றுதான் சொல்ல வேண்டும். நீண்ட காலம் உங்களுக்கு நன்மை மட்டும் நடந்து கொண்டே இருந்தால் அதனை யோகம் என நாம் நம்புகிறோம். அது போலவே, நீண்ட காலம் உங்களுக்கு தீமைகள் நடக்காமல் இருந்தால் அதுவும் ஒருவகையான யோக அமைப்புகள்தான் என்பதை உணருங்கள். நாம் மனநிம்மதியுடன் இருப்பதும் சந்தோஷமான காலம்தான் என்பதை உணருங்கள். சுப கிரகங்கள் தரும் யோகமானது அமைதி, ஆனந்தம், வளர்ச்சி, ஞானம், அறிவு ஆகியவற்றை கொடுத்து உணர வைக்கும்.

ராசி கட்டத்தில், லக்னத்தில் இருந்தோ அல்லது சந்திரனில் இருந்தோ முறையே ஆறாம் (6ம்) பாவகம், ஏழாம் (7ம்) பாவகம், எட்டாம் (8ம்) பாவகங்களில் சுப கிரகங்களான வியாழன், புதன், சுக்ரன் மற்றும் வளர்பிறை சந்திரன் இருப்பதை அதி யோகம் எனக் குறிப்பிடப்படுகிறது. இவை சந்திர அதி யோகங்களில் ஒரு யோகமாகவும் சொல்லப்படுகிறது. பாவக் கிரகங்கள் பார்வை தொடர்பு ஏற்படின் இந்த யோகத்தின் அமைப்புகள் குறைவாக இருக்கும்.

அதி யோகத்தின் உட்பலன்கள் என்ன?

சிலருக்கு லக்னமும் / ராசியும் ஒன்றாக அமையும். அவ்வாறே, இந்த யோகத்திற்கு லக்னமும் ராசியும் ஒன்றாக அமைந்து, மற்ற கிரகங்கள் முறையே ஆறாம் (6ம்) பாவகம், ஏழாம் (7ம்) பாவகம், எட்டாம் (8ம்) பாவகங்களில் சுப கிரகங்கள் இருந்தால் சிறப்பான பலன்களை உண்டாக்கும்.