ஏ.டி.ஜி.பி ஜெயராம் வழக்கு சிபிசிஐடிக்கு மாற்றம்

வாலிபர் கடத்தல் விவகாரத்தில் ஏ.டி.ஜி.பி ஜெயராமன் தொடர்பான வழக்கை சிபிசிஐடிக்கு மாற்றம் செய்து உத்தரவிட்ட உச்ச நீதிமன்றம், அவரது பணி இடைநீக்கத்தை ரத்து செய்ய முடியாது என்று மறுத்து விட்டது.

- 

திருவள்ளூர் மாவட்டம் திருவலங்காடு பகுதியில் உள்ள 17 வயது வாலிபரை அண்ணன் ஒருவர் காதல் திருமணம் செய்துகொண்ட நிலையில், அந்த சிறுவனை ஏ.டி.ஜி.பி ஜெயராம் காரில் கடத்திச் சென்று மிரட்டினார் எனத் தகவல் வெளியாகி பெரும் சர்ச்சையை ஏற்படுத்தியது. இது தொடர்பாகப் புரட்சி பாரதம் கட்சி தலைவரும், சட்டமன்ற உறுப்பினருமான பூவை ஜெகன்மூர்த்தி மீது ஆள்கடத்தல் வழக்குப் பதிவு செய்யப்பட்டது. இதையடுத்து முன்ஜாமீன் கோரி பூவை ஜெகன்மூர்த்தி தாக்கல் செய்த மனுவை நேற்று முன்தினம் விசாரித்த சென்னை உயர் நீதிமன்றம், ஏ.டி.ஜி.பி ஜெயராமை கைது செய்ய உத்தரவிட்டிருந்தது.

இதைத்தொடர்ந்து ஏ.டி.ஜி.பி ஜெயராம் தற்போது பணி இடைநீக்கம் செய்யப்பட்டுள்ளார்.