பள்ளி வளாகம், வகுப்பறைகளை தூய்மைப்படுத்த வேண்டும்

தமிழ்நாடு பள்ளி கல்வி மற்றும் தொடக்க கல்வி இயக்குநர்கள், அனைத்து மாவட்ட முதன்மை கல்வி அலுவலர்களுக்கு அனுப்பியுள்ள சுற்றறிக்கையில் கூறியிருப்பதாவது:

- 

1 முதல் 12ம் வகுப்புகளுக்கு ஜூன் 2ம் தேதி அன்று பள்ளிகள் திறக்கப்படும். எனவே அந்த நாளில் பள்ளி தொடங்குவதற்கு உரிய நடவடிக்கைகள் மேற்கொள்ளவேண்டும். பள்ளியில் உள்ள அனைத்து வகுப்பறைகள், தலைமை ஆசிரியர் அறை, ஆய்வகம், கழிப்பறைகள், உள்ளிட்ட பிற அறைகள் மற்றும் வளாகம் நன்கு தூய்மைப்படுத்தப்பட்டு இருப்பதை உறுதி செய்ய வேண்டும்.

காலாவதியான ஆய்வகப் பொருட்களை முறைப்படி பதிவேட்டில் நீக்கம் செய்திட வேண்டும். பள்ளிக் கட்டிடத்தின் மேற்பரப்பில் சேர்ந்துள்ள குப்பைகளை அகற்றி மழைநீர் வடிந்து ஓடுவதற்கான பாதை சரியாக உள்ளதா என்பதையும், மழைநீர் சேகரிப்புக் கட்டமைப்பு முறையாகச் செயல்பட்டு பயன்பாட்டில் இருப்பதையும் உறுதி செய்ய வேண்டும்.