சிறப்பு முகாம்கள் மூலம் கடந்த ஒரு மாதத்தில் 46,122 தெருநாய்களுக்கு ரேபிஸ் தடுப்பூசி

கடந்த ஒரு மாத காலத்தில் சென்னையில் 46,122 தெருநாய்களுக்கு ரேபிஸ் தடுப்பூசி போடப்பட்டுள்ளதாக மாநகராட்சி தகவல் தெரிவித்துள்ளது.

- 

இதுகுறித்து சென்னை மாநகராட்சி வெளியிடப்பட்டுள்ள அறிக்கையில் கூறியிருப்பதாவது: சென்னை மாநகராட்சியில் பொதுமக்கள் தெரு நாய் தொல்லைகள் தொடர்பான புகார்களை 1913 என்ற உதவி எண்ணிலும், சென்னை மாநகராட்சியின் மக்கள் சேவைக்கான வாட்ஸ் அப் எண் 94450 61913 வாயிலாகவும் தெரிவிக்கலாம். நாய்களை முறையாகப் பிடித்து விடுவிப்பதை உறுதி செய்வதற்காக இதுவரை 12,255 தெருநாய்களுக்கு க்யூஆர் குறியீடு காலர்கள் மற்றும் மைக்ரோ சிப் பொருத்தப்பட்டுள்ளது. தெருக்களில் பிடிக்கப்படும் தெருநாய்கள் சென்னை மாநகராட்சியின் சார்பில் செயல்பட்டு வரும் புளியந்தோப்பு, லாயிட்ஸ் காலனி, கண்ணம்மாபேட்டை, மீனம்பாக்கம் மற்றும் சோழிங்கநல்லூர் ஆகிய 5 இடங்களில் உள்ள நாய் இனக்கட்டுப்பாடு மையங்களுக்கு கருத்தடை அறுவை சிகிச்சைக்காக கொண்டு செல்லப்படுகிறது