சுற்றுலா சென்றபோது இலங்கை வெள்ளத்தில் சிக்கிய 14 பெண்கள், குழந்தைகள் உட்பட 29 பேர் சென்னை திரும்பினர்

பத்திரமாக திரும்ப நடவடிக்கை எடுத்த முதல்வருக்கு நன்றி தெரிவித்தனர்

- 

சென்னையை சேர்ந்த 14 பெண்கள், குழந்தைகள் உட்பட 29 பேர், கடந்த நவம்பர் 25ம்தேதி 6 நாள் சுற்றுலாவாக சென்னையில் இருந்து ஸ்ரீலங்கன் ஏர்லைன்ஸ் பயணிகள் விமானத்தில் இலங்கை சென்றனர். அவர்கள், இலங்கை சென்ற 2 நாட்கள் கடுமையான மழை பெய்து கொண்டு இருந்ததால், எந்த இடத்தையும் சுற்றிப்பார்க்க முடியாமல் அங்கு முடங்கி கிடந்தனர்.

இந்நிலையில், மழையின் வேகம் அதிகரித்து, வெள்ளப்பெருக்கு, மண் சரிவு போன்ற பேராபத்துகள் நடக்கத் தொடங்கின. இதையடுத்து, இவர்கள் 29 பேரும் தங்கள் பயணத்தை பாதியில் முடித்துவிட்டு, விமானம் மூலம் சென்னை திரும்ப முடிவு செய்தனர். ஆனால், விமான சேவைகள் அனைத்தும் ரத்து செய்யப்பட்டு விட்டதால், இலங்கையிலேயே ஒரு கிராமப் பகுதியில் தங்க வேண்டிய நிலை ஏற்பட்டது. அங்கு, அவர்களுக்கு சரியான உணவு போன்றவை கிடைக்காமல், பிஸ்கட்டுகளை சாப்பிட்டு கொண்டு இருந்தனர்.