மாநிலங்களவை சீட் தருவதாக கூறி முதுகில் குத்திவிட்டார் எடப்பாடி பழனிசாமி

தேமுதிக-அதிமுக கூட்டணியில் எடப்பாடி பழனிசாமி முதுகில் குத்திவிட்டார் என்று பிரேமலதா பரபரப்பு குற்றச்சாட்டை சுமத்தியுள்ளார்.

- 

மேலும் எடப்பாடியின் பிரசார கூட்டங்களுக்கு காசு கொடுத்துதான் ஆட்கள் அழைத்து வரப்படுகிறார்கள் என்றும் கடுமையாக விமர்சித்துள்ளார்.

தமிழக சட்டப்பேரவை தேர்தல் அடுத்த ஆண்டு நடைபெற உள்ளது. தேர்தலுக்கு இன்னும் 8 மாதங்களே உள்ளதால் அனைத்து கட்சிகளும் தீவிரமாக தேர்தலுக்கு தயாராகி வருகின்றனர். திமுக தலைமையிலான கூட்டணி அப்படியே தொடருகிறது. மேலும் திமுக கூட்டணிக்கு புதிய கட்சிகள் வரவும் வாய்ப்புள்ளது என்றும் சொல்லப்படுகிறது.

அதே நேரத்தில் நாடாளுமன்றத் தேர்தலுக்கு முன்பு பாஜவுடனான கூட்டணியை முறித்துக்கொண்ட அதிமுக, தற்போது மீண்டும் பாஜவுடன் கூட்டணி வைத்துள்ளது.