MCKAYLA LAG NOU LAASTE

Een hand keer tiener van Caledon nie om drome te verwesenlik

- FRANSCISKA SWARTS

AS KLEIN dogtertjie was Mckayla Wessels (18) die maklikste teiken, want sy was anders, stil en dit met net één hand. Maar hier's die deel wat die boelies in hulle wildste drome nie sien kom het nie - dat sy eendag in Suid-Boland-klere sou pronk.

Mckayla van Caledon het gevoel sy is minder, en dit oor iets waarmee sy gebore is.

Tussen die trane, netbal-byeenkomste en atletieknaweke het Mckayla vir haarself 'n nuwe waarheid geskryf.

Sy is nie net genoeg nie, sy is ongelooflik goed in wat sy doen en reeds vermag het.

Durf

"Toe ek jonger was, het my hand my baie gepla. Ek het vir my ouers gesê ek wil nie meer skool toe gaan nie, want dis nie lekker nie, maar hulle het gesê ek moet die kinders net ignoreer.