Cymdeithas yn creu stoc cartrefi addas i ddiogelu'r Gymraeg

AE cymdeithas dai wedi lansio cynllun er mwyn helpu i atal diboblogi gwledig lyng ngogledd Cymru.

- 

Mae Grŵp Cynefin, sy'n gweithredu ar draws chwe sir gogledd Cymru a gogledd Powys, wedi datgelu ei fwriad i adeiladu 300 o gartrefi newydd erbyn 2028.

Rhan ganolog o'i gynllun corfforaethol newydd yw cynyddu'r stoc o dai fforddiadwy, rhoi hwb i'r economi leol a chefnogi'r Gymraeg ar yr un pryd.

Mae'r strategaeth, o'r enw Lle i Berthyn, hefyd yn cynnwys datgarboneiddio miloedd o gartrefi presennol.

Mae'r broses honno eisoes ar droed gyda £12 miliwn yn cael ei wario ar fesurau gwyrdd i arbed ynni mewn dros 400 eiddo dros y 12 mis diwethaf.

Mae'r cynllun corfforaethol yn dynodi cychwyn newydd i Grŵp Cynefin, a ddathlodd ei ben-blwydd yn 10 oed y llynedd, gyda thîm arweinyddiaeth weithredol newydd yn cefnogi gweledigaeth newydd y Prif Weithredwr Mel Evans ar gyfer y grŵp

Sefydlwyd Grŵp Cynefin yn dilyn uno dwy gymdeithas dai, sef Tai Clwyd a Tai Eryri ac mae ganddo dddwy brif swyddfa ym Mhenygroes a Dinbych.

Mae ganddo hefyd ddau is-gwmni, Canllaw a Gofal a Thrwsio Conwy a Sir Ddinbych sy'n helpu perchnogion tai a thenantiaid hŷn mewn tai sector preifat i fyw'n annibynnol.

Yn ôl Mel Evans, mi wnaeth mwy na 500 o denantiaid, staff ac aelodau'r bwrdd chwarae eu rhan wrth lunio'r cynllun newydd ar gyfer 2025-28.

Dywedodd Mr Evans: "Ein nod yw bod yn sefydliad cynhwysol ac effeithiol sy'n darparu cartrefi diogel, cynaliadwy ac o ansawdd.