Arddangosfa blodau priodas Phil Mitchell ac ynys Guadeloupe

AE gwerthwr blodau o ogledd Cymru wedi cyfnewid llanast a llofruddiaeth ar raglenni teledu poblogaidd fel EastEnders a Death in Paradise am fyfyrdod yn yr ardd

- 

Creodd Sioned Edwards, sy'n byw ger Rhuthun ac a arferai redeg siop blodau ym Mangor, yr arddangosfa flodau ar gyfer priodas Phil Mitchell (Steve McFadden) a Sharon (Letitia Dean) yn Walford yn 2014.

Treuliodd dri mis hefyd ar ynys Guadeloupe yn y Caribî, sef ynys ffuglennol Saint Marie, lle mae'r ddrama ddirgelwch ysgafn wedi'i lleoli.

Mae'r ddwy raglen fyd i ffwrdd o'r gyfres arddio boblogaidd ar S4C, Garddio a Mwy, y mae Sioned yn ei chyd-gyflwyno gyda'r gantores Meinir Gwilym, sy'n byw ger Pwllheli, a'r newydd-ddyfodiad Adam Jones, o Gors-las, ger Llanelli.

Mae Garddio a Mwy, a wnaed gan y cwmni cynhyrchu o Gaernarfon, Cwmni Da, newydd ddychwelyd am gyfres 22 rhaglen ac mae'n cael ei darlledu am 8.25pm ar nos Lun.

Mae'r rhaglen yn llawer mwy hamddenol na llinellau plot troellog y ddwy ddrama deledu ar y BBC.

Dywedodd Sioned, y mae ei gardd, Pont y Tŵr, wedi'i lleoli yn erbyn cefndir hardd Dyffryn Clwyd: "Dim ond un tro y trefnais arddangosfa flodau ar gyfer EastEnders ond roeddwn i'n teimlo'n lwcus iawn fy mod wedi cael y cyfle i weithio ar raglen mor boblogaidd.

"Roedd yn brofiad anhygoel gweithio yn y Caribî gyda phlanhigion nad ydych yn eu gweld yn aml yng Nghymru. Roedd planhigion yn tyfu ar ochr y ffyrdd allan yna rydym ond yn eu gweld mewn tai gwydr poeth yma.