சொந்த இல்லங்கள் போல சிறுவர் இல்லங்கள் அமைய வேண்டும்...

சி சின்னஞ்சிறு குழந்தைகள் வளர்க்கப்படும் விதத்தில் தான் அது வருங்காலத்தைப் பற்றிய நம்பிக்கையை பெறுகிறது. குழந்தைகள் மனதில் வருங்கால நம்பிக்கை மலர்ந்தால்தான் அவை சமூகத்துக்கு பயன்படும் நல்ல குடிமக்களாக மாற முடியும். எனவேதான், வீட்டிலும் வெளியிலும் பெண் குழந்தைகள் நடத்தப்படும் விதம் கவனிக்கப்பட வேண்டியதாக இருக்கிறது.

- 

கடந்த ஞாயிற்றுக்கிழமை அதிகாலையில், சென்னை சிட்லபாக்கத்தில் உள்ள சிறார் விடுதியில், 13 வயது சிறுமியை மேத்யூ என்ற 50 வயது விடுதிக்காவலன் தூக்கிச் சென்று பாலியல் வன்கொடுமை செய்ய முயன்றுள்ளான் . கத்தி கதறிய சிறுமியை இரும்பு கம்பியால் கால்களில் கடுமையாக தாக்கியுள்ளான். இதில் அவரது கால்கள் முறிந்துள்ளன. காலில் அறுவை சிகிச்சைக்காக சிறுமி ராஜீவ் காந்தி அரசு பொது மருத்துவமனையில் சிகிச்சை பெற்று வருகிறார். சம்பவம் நடப்பதற்கு ஐந்து நாட்களுக்கு முன்பு தான் சிறுமி காப்பகத்தில் அனுமதிக்கப்பட்டுள்ளார். தாக்குதல் நடந்த நேரத்தில், வார்டன் விடுப்பில் இருந்தார். சமையல்காரர் குழந்தைகளை மேற்பார்வையிட்டுக் கொண்டிருந்தார் என்று சமூக நலத்துறை அமைச்சர் கீதா ஜீவன் கூறியுள்ளார்.