தமிழ்நாடு துணை முதலமைச்சர் உதயநிதி ஸ்டாலின் தலைமையில் மணிமேகலை விருதுகள் வழங்கும் விழா இன்று நடக்கிறது

தமிழ்நாடு துணைமுதலமைச்சர். உதயநிதி ஸ்டாலின் மகளிர் சுய உதவிக் குழுக்கள் தின விழாவினை முன்னிட்டு, இன்று 11.06.2025 அன்று சென்னை, கலைவாணர் அரங்கத்தில் நடைபெறும் நிகழ்ச்சியில், தமிழ்நாடு மகளிர் மேம்பாட்டு நிறுவனத்தின் சார்பில் ஊரகம் மற்றும்நகர்ப்புரங்களில் சிறப்பாக செயல்படும் சுய உதவிக் குழுக்களுக்குமாநில அளவிலான மணிமேகலை விருதுகள், வங்கிக் கடன் இணைப்புகள், மாநில அளவிலான பன்முகக் கலாச்சாரப் போட்டிகளில் வெற்றி பெற்றவர்களுக்கு விருதுகள், சான்றிதழ்கள், மற்றும் பரிசுத் தொகை ஆகியவற்றையும் மாண்புமிகு தமிழ்நாடு துணை முதலமைச்சர் அவர்கள் வழங்குகிறார்.

- 

முத்தமிழறிஞர் கலைஞர் அவர்களின் தொலைநோக்குப் பார்வையில் துவங்கப்பட்ட சுய உதவிக் குழு இயக்கம் பெற்றி வெற்றியின் காரணமாக பிற மாநிலங்களாலும் பின்பற்றப்பட்டு பெண்களின் வாழ்வாதார நடவடிக்கைகளுக்கு ஒரு முன்னோடி மற்றும் முதன்மை திட்டமாக விளங்குகிறது.

தமிழ்நாடு துணை முதலமைச்சர். உதயநிதி ஸ்டாலின் 11.06.2025 அன்று சென்னை, கலைவாணர் அரங்கத்தில் நடைபெறும் நிகழ்ச்சியில் சமுதாயம் சார்ந்த அமைப்புகளுக்கு 2024-2025ஆம் ஆண்டுக்கான மணிமேகலை விருதுகளை வழங்கவுள்ளார்.