நீதிபதியை சட்டத்துக்கு உட்படுத்துவது தவறா?

எல்லோரும் ஓர் நிறை எல்லோரும் ஓர்விலை எல்லோரும் இந்நாட்டு மன்னர்' என்றார் பாரதி. சட்டத்தின் முன்பு யாவரும் சமம் என்பது தான் ஜனநாயகம். ஆனால் நடைமுறையோ வேறாக உள்ளது.

- 

டில்லி உயர்நீதிமன்ற நீதிபதி யஷ்வந்த் வர்மாவின் இல்லத்தில் கடந்த மார்ச் மாதம் இரவு இலேசான தீ விபத்து ஏற்பட்டது. தீயணைப்பு படையினர் மீட்புபணியில் ஈடுபட்ட போது எரிந்த நிலையில் கட்டுக் கட்டாக பணம் சிக்கியது. இதையடுத்து அவர் மீது வழக்குப் பதியப்படுமா என்ற வாதம் எழுந்தது.

இது குறித்து கருத்து கூறிய துணை ஜனாதிபதி ஐக்தீப் தங்கர், ' லுட்யன்ஸ் நகரில் உள்ள ஒரு உயர் நீதிமன்ற நீதிபதியின் வீட்டில் எரிந்த பணம் கண்டெடுக்கப்பட்டது. இன்று வரை எப்.ஐ.ஆர். இல்லை ... இது முடிவுக்கு வருமா, காலப்போக்கில் மங்கிவிடுமா? என நாட்டு மக்கள் அனைவரும் யோசித்துக்கொண்டிருக்கிறார்கள். குற்றவியல் நீதி அமைப்பு ஒவ்வொரு தனிநபருக்கும் செயல்படுவது போல் செயல்படுத்தப்படவில்லை ?... இது நீதித்துறை அமைப்பை மாசுபடுத்தியதா? இந்த விவகாரத்தில் பெரிய சுறாக்கள் யார்? என நாம் கண்டுபிடிக்க வேண்டும். ஏற்கனவே இரண்டு மாதங்கள் கடந்துவிட்டன. விசாரணை என்பது தொடர்ச்சியாக இருக்க வேண்டும். இப்போது ஒரு முடிவை எடுக்க வேண்டிய நேரம் இது. சஞ்சீவ் கண்ணவால் பாதியளவு நம்பிக்கை மீட்கப்பட்டது. விசாரணையில் அக்கறை கொண்டவர்கள் விரைவான விசாரணை நடத்த வேண்டும்" என்றார்.