‘கீழடி ஆய்வறிக்கையை ஏற்காவிட்டால் நாடாளுமன்றத்தை ஸ்தம்பிக்கச் செய்வோம்’

"கீழடி ஆய்வறிக்கையை ஏற்று அரசிதழில் பாஜக அரசு வெளியிடாவிட்டால் நாடாளுமன்றத்தை நடத்த விடாமல் ஸ்தம்பிக்கச் செய்வோம்" என திமுக துணைப் பொதுச் செயலாளர் திருச்சி சிவா எம்.பி மதுரையில் நேற்று நடந்த ஆர்ப்பாட்டத்தில் எச்சரித்தார்.

- 

அவர் பேசியதாவது:- "பண்பாட்டுத் தலைநகரான மதுரை அருகேயுள்ள கீழடி அகழாய்வில் கிடைத்த 7,914 தொல்பொருட்கள் சங்க காலத் தமிழர்கள் நகர நாகரிகத்துடன் வாழ்ந்ததற்கான சான்றுகளாக கிடைத்துள்ளன. இந்திய நாட்டின் வரலாற்றில் ஹரப்பா சிந்துவெளி நாகரிகம் மூத்தது எனவும், கிறிஸ்துவுக்கு 300 ஆண்டுக்கு முந்தையது என நிருபிக்கப்பட்டது. ஆனால், கீழடி ஆராய்ச்சி முடிவுகளின்படி தமிழர்களின் நாகரிகம் கிறிஸ்துவுக்கு 600 ஆண்டுக்கு முற்பட்டது என நிரூபித்துள்ளது. அதனை மத்திய பாஜக அரசு ஏற்க மறுத்து அரசிதழில் வெளியிட மறுத்து இன்னும் அறிவியல் ரீதியாக நிரூபிக்க வேண்டும் என்று வஞ்சிக்கிறது.