தி.மு.க. நிர்வாகிகளுடன் முதல் அமைச்சர் மு.க. ஸ்டாலின் சந்திப்பு

தேர்தல் பணிகளில் சிறப்பாக செயல்படும்படி அறிவுறுத்தல்

- 

தி.மு.க. நிர்வாகிகளுடன் ஒன் டூ ஒன் சந்திப்பை நடத்தினார், மு.க. ஸ்டாலின். தேர்தல் பணிகளில் சிறப்பாக செயல்படும்படிமுதலமைச்சர் அறிவுறுத்தல் வழங்கினார்.

வெற்றி வாய்ப்பை ஆய்வு செய்யும் "உடன்பிறப்பே வா" நிகழ்ச்சி தொடங்கியது. முதலமைச்சர் மு.க.ஸ்டாலின் நேற்று 3 தொகுதி தி.மு.க. நிர்வாகிகளை சந்தித்தார்.

2026-ம் ஆண்டு நடைபெற உள்ள சட்டசபை தேர்தலில் 200 தொகுதிகளில் வெற்றி பெற வேண்டும் என்ற இலக்கை முன்வைத்து தி.மு.க. தலைவரும், முதலமைச்சருமான மு.க. ஸ்டாலின் வியூகம் வகுத்து செயல்பட்டு வருகிறார்.

இதன் அடிப்படையில் ஒவ்வொரு மாவட்டமாக சென்று அந்தந்த மாவட்ட நிர்வாகிகளை சந்தித்து வருகிறார். தொகுதிகளில் வெற்றி வாய்ப்பு நிலவரம் எப்படி உள்ளது என்பதையும் அவர்களிடம் கேட்டறிந்து வருகிறார்.

இந்த நிலையில் ஒவ்வொரு வாக்குச்சாவடிகளிலும் 30 சதவீத வாக்காளர்களை தி.மு.க. உறுப்பினராக்க வேண்டும் என்றும் முதலமைச்சர் மு.க.ஸ்டாலின் கட்டளையிட்டுள்ளார்.