போலி சான்றிதழ் கொடுத்து நீதிமன்ற பணியில் சேர முயன்றவர் உள்பட 2 பேர் அதிரடி கைது

கிருஷ்ணகிரியில் சேலம் சாலையை சேர்ந்தவர் ஹரிஹரன் (வயது 27). எம்.எஸ்சி., கணிதம் முடித்து விட்டு அரசு வேலை தேடி வந்தார். கடந்த 2024-ம் ஆண்டு ஏப்ரல் மாதம் காஞ்சீபுரம் நீதிமன்றத்தில் பல்வேறு பணிகளுக்கான அறிவிப்பு வந்தது. அதில், பிராசஸ்சர்வர் எனப்படும் சம்மன் வழங்கும் பணிக்கு ஹரிஹரன் விண்ணப்பித்தார்.

- 

இந்த பணிக்காக கடந்த மார்ச் மாதம் சென்னையில் நேர்காணல் நடைபெற்றது. இதில் கலந்து கொண்ட ஹரிஹரன், கல்வி சான்றிதழ்களுடன், பணி முன்னுரிமைக்கான முன்னாள் படைவீரர், மாற்றுத்திறனாளி சான்றிதழையும் வழங்கினார்.

சான்றிதழ் சரிபார்க்கும் பணியின்போது, 27 வயதான ஹரிஹரன் முன்னாள் ராணுவ வீரர், மற்றும் மாற்றுத்திறனாளி சான்றிதழ் வழங்கியது சந்தேகத்தை ஏற்படுத்தியது. இது குறித்து விசாரிக்குமாறு சென்னை உயர்நீதிமன்ற பொது பதிவாளர் அல்லி கிருஷ்ணகிரி மாவட்ட போலீஸ் சூப்பிரண்டு தங்கதுரைக்கு தபாலில் புகார் அளித்தார்.