தமிழகத்தில் ஏப். 23-ல் ஓட்டுப்பதிவு

வாக்குகள் மே 4-ந் தேதி எண்ணப்படுகின்றன

- 

5 மாநில தேர்தல் தேதிகள் அறிவிக்கப்பட்டுள்ளன. புதுச்சேரியில் ஏப். 9-ந் தேதி தேர்தல் நடக்கிறது. தமிழ்நாட்டில் ஏப்.23-ல் ஓட்டுப்பதிவு நடைபெறுகிறது. வாக்குகள் மே 4-ந் தேதி எண்ணப்படுகின்றன.

தமிழகத்தில் ஆளும் கட்சியான தி.மு.க. அரசின் பதவிக்காலம் மே மாதம் 10-ந் தேதியுடன் நிறைவடைகிறது. இதேபோல், புதுச்சேரி (ஜூன் 15), மேற்கு வங்காளம் (மே 7), அசாம் (மே 20), கேரளா (மே 23) ஆகிய மாநிலங்களின் பதவிக்காலமும் முடிவடைகிறது. எனவே, தமிழகத்தில் உள்ள 234 தொகுதிகள் உள்பட 5 மாநிலங்களிலும் மொத்தம் உள்ள 824 சட்டசபை தொகுதிகளுக்கும் தேர்தலை நடத்த இந்திய தேர்தல் ஆணையம் ஏற்பாடு செய்து வருகிறது.

இந்த நிலையில், 5 மாநில சட்டசபை தேர்தல் தேதியை இந்திய தலைமை தேர்தல் ஆணையர் ஞானேஷ்குமார் நேற்று டெல்லியில் நடைபெற்ற பத்திரிகையாளர் சந்திப்பில் வெளியிட்டார்.