சட்டமன்றத்தில் பெண்களுக்கு 33 சதவீத இட ஒதுக்கீடு அமல் படுத்தப்படும்

திமுக மீண்டும் ஆட்சி அமைப்பது உறுதி:

- திருப்பூர் மகளிர் மாநாட்டில் முதல் அமைச்சர் மு.க. ஸ்டாலின் உரை

திமுக மீண்டும் ஆட்சி அமைப்பது உறுதி என்று முதல் அமைச்சர் மு.க. ஸ்டாலின் பேசியுள்ளார்.

2026 சட்டமன்றத் தேர்தலுக்கு இன்னும் சில மாதங்களே உள்ள நிலையில், தி.மு.க. தனது அனைத்து அணிகளையும் களத்தில் இறக்கி மக்களுடனான தொடர்பை பலப்படுத்தி வருகிறது.

ஏற்கனவே திருவண்ணாமலையில் வடக்கு மண்டல தி.மு.க. இளைஞரணி நிர்வாகிகள் சந்திப்பு கூட்டம் நடத்தப்பட்ட நிலையில், அடுத்தடுத்து மற்ற மண்டலங்களிலும் இக்கூட்டங்கள் நடைபெற உள்ளன. அரசின் நலத்திட்டங்களை விளக்கியும், தேர்தல் வெற்றிக்கான அடித்தளத்தை உறுதிப்படுத்தும் முயற்சியாகவும் இந்த கூட்டங்கள் மாநாடு போல் நடத்தப்பட்டு வருகின்றன.