நலம் காக்கும் ஸ்டாலின் முகாம்களில் 13 லட்சம் பேர் பயன்பெற்றுள்ளனர்

முதல் அமைச்சர் மு.க.ஸ்டாலின் பெருமிதம்

- 

முதலமைச்சரின் விரிவான மருத்துவக் காப்பீட்டுத் திட்டத்தில் இணைத்து மக்களின் துயர் துடைத்துள்ளோம் என முதல் அமைச்சர் முக ஸ்டாலின் கூறி இருக்கிறார்.

தமிழ்நாடு அரசு சாமானிய மக்களும் தரமான மருத்துவ சேவைகளை பெற வேண்டும் என்பதற்காக மக்களைத் தேடி மருத்துவம், இன்னுயிர் காப்போம் நம்மைக் காக்கும் 48, வருமுன் காப்போம், இதயம் காப்போம், நடப்போம் நலம் பெறுவோம், மக்களைத் தேடி மருத்துவ ஆய்வகத் திட்டம், தொழிலாளர்களைத் தேடி மருத்துவத் திட்டம், சிறுநீரகம் பாதுகாக்கும் சீர்மிகு திட்டம், புற்றுநோய் கண்டறியும் பரிசோதனைகள் போன்ற பல்வேறு சுகாதார திட்டங்களை செயல்படுத்தி வருகிறது.

நாளுக்கு நாள் நோய்களின் தாக்கம் அதிகரித்துக் கொண்டே செல்கிறது. சரியான நோய் கண்டறிதல் வசதி இல்லாததாலும், உரிய நேரத்தில் சிகிச்சை எடுக்காததாலும் பல ஏழை, எளிய மக்களின் உயிர்கள் பறிபோகின்றன.