ஆதிதிராவிடர் நலத்துறையை ஏற்க தயக்கம் காட்டும் ஜான்குமார்

புதுச்சேரி, ஜூன்.29-புதுச்சேரியில் சட்டமன்ற தேர்தல் வர இன்னும் 8 மாதங்களே உள்ள நிலையில், புதுச்சேரி பா.ஜ.க.வில் பல்வேறு அதிரடி மாற்றங்கள் நடந்துவருகிறது. நேற்று முன்தினம் பா.ஜ.க.வை சேர்ந்த மூன்று நியமனம் எம்.எல்.ஏ.க்கள் தங்களது பதவியை ராஜினாமா செய்துள்ளனர். அவர்களுக்கு பதிலாக புதிய நியமனம் எம்.எல்.ஏ.க்களாக மூன்றுபேர் விரைவில் நியமிக்கப்பட இருக்கின்றனர்.

- 

அதேபோல் ஆதிதிராவிடர் மற்றும் பழங்குடியினர் நலத்துறை அமைச்சர் சாய்.ஜெ.சரவணன்குமார் தனது அமைச்சர் பதவியை ராஜினாமா செய்திருக்கிறார். தலைமையின் உத்தரவை ஏற்று தன்னுடைய பதவியை ராஜினாமா செய்வதாக அமைச்சர் தெரிவித்த நிலையில், அவரது ஆதரவாளர்கள் நேற்று பா.ஜ.க. தலைமையை கண்டித்து போராட்டம் நடத்தினர்.

இதுபோன்ற சூழலில் தேசிய ஜனநாயக கூட்டணி அமைச்சரவையில், ஆதிதிராவிடர்களுக்கு இடம் இல்லாதது கடும் விமர்சனத்தை உள்ளாக்கியுள்ளது. ஏற்கனவே தேசிய ஜனநாயக கூட்டணி அரசில் என்.ஆர்.காங்கிரசில் ஆதிதிராவிடரான சத்திரபிரியங்காவை அமைச்சர் பதவியில் இருந்து முதல்வர் ரங்கசாமி அதிரடியாக நீக்கினார்.