சர்வதேச ஹாக்கி சம்மேளனத்தின் ஆடவர் ஹாக்கி ஜூனியர் உலகக் கோப்பைக்கான இலட்சினை

துணை முதல்வர் உதயநிதி ஸ்டாலின் வெளியிட்டார்

- 

தமிழ்நாடுதுணைமுதலமைச்சர் உதயநிதி ஸ்டாலின் நேற்று (19.6.2025) சென்னையில் நடைபெற்றநிகழ்ச்சியில்சர்வதேச ஹாக்கிசம்மேளனத்தின் ஆடவர் ஹாக்கி ஜூனியர் உலகக் கோப்பை தமிழ்நாடு 2025 போட்டியின் அதிகாரப்பூர்வ இலட்சினையைவெளியிட்டார்.

இந்நிகழ்ச்சியில் சர்வதேச ஹாக்கி சம்மேளனத்தின் (FIH) ஆடவர் ஹாக்கி ஜூனியர் உலகக் கோப்பை தமிழ்நாடு 2025 போட்டி நடத்துவதற்கான புரிந்துணர்வு ஒப்பந்தம் தமிழ்நாடு துணை முதலமைச்சர் திரு. உதயநிதி ஸ்டாலின் அவர்கள் முன்னிலையில் மேற்கொள்ளப்பட்டது.

ஆடவர் ஹாக்கி ஜூனியர் உலகக் கோப்பை தமிழ்நாடு 2025 போட்டியின் இலட்சினை (Logo) வெளியீட்டையொட்டி நடைபெற்ற பத்திரிக்கையாளர் சந்திப்பில் தமிழ்நாடு துணை முதலமைச்சர் அவர்கள் ஆற்றிய உரை :-

தமிழ்நாட்டை விளையாட்டின் முன்னோடி மாநிலமாக உருவாக்கும் தொலைநோக்கு பார்வை கொண்ட நமது மாண்புமிகு தமிழ்நாடு முதலமைச்சர் அவர்களின் தலைமையின் கீழ், தமிழ்நாடு இந்த ஆண்டு நவம்பர் மற்றும் டிசம்பர் மாதங்களில் மதிப்புமிக்க ஹாக்கி ஜூனியர் ஆண்கள் உலகக் கோப்பை 2025 போட்டியை நடத்திட உள்ளது என்பதை அறிவிப்பதில் நான் மகிழ்ச்சியடைகிறேன்.

இந்த பிரமாண்டமான நிகழ்ச்சி நடைபெறும் பெருமைக்குரிய இடங்களாக நமது சென்னை மற்றும் மதுரை ஆகியவை வாய்ப்பினை பெற்றது நமது மாநிலத்தின் பாரம்பரியம், வளமான ஹாக்கி மரபு மற்றும் உலகத் தரம் வாய்ந்த உள்கட்டமைப்பைக் காட்டுகிறது.