Isa ka rin ba sa laging olats sa pag-ibig? ALAMIN: MGA SUHESTIYON NI MAESTRO PATUNGKOL SA LABLAYP

Dear Maestro, Hindi naman ako Taong Tres, at hindi rin naman ako isinilang sa mga numerong 3, 12, 21, at 30, tulad ng madalas n'yong sabihin sa mga bigo sa pag-ibig, pero bakit pansin ko parang hindi ako suwerte pagdating sa pag-ibig? Nagkakaroon naman ako ng nobya, subalit nawawala at natatapos din agad. Marami na akong naging girlfriend at itong kasalukuyan, parang nagkakalabuan na naman kami. Maestro, ano ba ang dapat kong gawin para mapanatili ko ang isang relasyon? At sa palagay n'yo, compatible ba kami ng kasalukuyan kong girlfriend na isinilang noong July 7, 2001? Ang birthday ko ay November 4, 1998. Umaasa, Patrick ng Masambong, Frisco, Quezon City

- 

Dear Patrick,

Malamang hindi ka marunong mag-alaga ng girlfriend at maaari ding hindi ka marunong mag-manage ng isang relasyon, kaya ang nangyayari, oo nga't nagkaka-girlfriend ka, pero mabilis ding nawawala sa 'yo.

Alam mo, ang pagkakaroon ng girlfriend ay para ring pag-aalaga ng pet o pag-aalaga ng paborito mong hayop. Dapat may care ka at hina-hug mo rin ito, hindi lang physically, bagkus ang mas mahalaga ay emotionally.

Ibig sabihin, hindi mo siya dapat pinapagalitan, at hindi mo rin siya dapat binibigyan ng sama ng loob. At siyempre pa, tulad nga sa pag-aalaga ng pet, kailangang sensitive ka sa kanyang needs o sa kanyang mga pangangailangan, lalo na sa aspetong pang-emotional at financial.

Pagkatapos, tulad ng nasabi na, kailangang sensitibo ka sa kanyang needs at mga pangangailangan at sa mga paborito niyang pagkain at mga paborito niyang gawain.

Kung paborito niya ang flower, dapat every week binibigyan mo siya nito. Mas maganda kung iba't ibang uri ng kulay ng bulaklak na paborito niya.