MAGSUON GIPAMUSIL PATAY

Masulob-on ang kasaulogan sa nakalabay nga Pasko sa usa ka pamilya human nga duha sa ilang mga miyembro ang gipamusil patay sa ilaha rang silingan sulod sa ilahang panimalay atol sa adlaw sa Pasko, Disyembre 25, 2025 diha sa Block 7b, Sitio Buwaran, Barangay Sawang Calero, Cebu City.

- 

Ang mga biktima sa pagpamusil mao ang mag-igsuong sila si Melber Capilitan Alicabo, 40, ug Romeo Fernandez, 36, pulos nagpuyo sa maong dapit.

Samtang ang mga suspetsado mao ang mag-uyoan nga sila si Eric ug Aljun Espina, residente sab sa maong dapit. Dili madawat sa asawa ni Fernandez ang nahitabo sa iyahang bana nga namatay human matud pa giapil kini sa pagpusil sa mga suspetsado.

Matud pa ang duha ka mga suspetsado kalit nisulod sa ilahang panimalay ug gipusil si Alicabo nga bag-o lang nakagawas sa prisohan.