వైద్య సంబంధాల నైతికత

ఒక వైద్యుడు, ప్రత్యేకించి మానసిక వైద్యుడు, తన రోగికి కేవలం మందులు లేదా సలహాలు ఇవ్వడమే కాదు, ఒక సురక్షితమైన, నమ్మకమైన వాతావరణాన్ని కూడా కల్పించాలి.

- పద్మా కమలాకర్

ఒక వైద్యుడు, ప్రత్యేకించి మానసిక వైద్యుడు, తన రోగికి కేవలం మందులు లేదా సలహాలు ఇవ్వడమే కాదు, ఒక సురక్షితమైన, నమ్మకమైన వాతావరణాన్ని కూడా కల్పించాలి. వైద్య వృత్తిలో నైతికత అనేది ఎంత కీలకమో ఈ మధ్య వెలుగులోకి వచ్చిన ఒక ఘటన మరోసారి స్పష్టం చేసింది. మానసిక సమస్యలతో బాధపడుతున్న ఒక రోగిని చికిత్స చేస్తున్న మానసిక వైద్యురాలు పెళ్లి చేసుకోని ఆత్మహత్య చేసుకుంది . ఇది కేవలం ఒక వ్యక్తిగత సంఘటన కాదు, వైద్య నైతికతను, వృత్తిపరమైన సరిహద్దులను ఉల్లంఘించిన ఒక తీవ్రమైన ఉదాహరణ.

మానసిక విశ్లేషణ

క్లయింట్-కౌన్సెలర్ సరిహద్దుల ఉల్లంఘన (Boundary Violation): మానసిక కౌన్సెలింగ్ థెరపెటిక్ బౌండరీస్ (Therapeutic boundaries) అనేవి చాలా కీలకమైనవి. ఇవి క్లయింట్, కౌన్సెలర్ మధ్య ఉండాల్సిన వృత్తిపరమైన దూరాన్ని స్పష్టం చేస్తాయి. క్లయింట్ యొక్క గోప్యత, వ్యక్తిగత సమాచారం, కౌన్సెలింగ్ సమయం, క్లయింట్తో ఎలాంటి వ్యక్తిగత సంబంధాలు పెట్టు కోకూడదనేవి ఈ సరిహద్దులలో ఉంటాయి. ఈ కేసులో, వైద్యుడు తన రోగిని ప్రేమించానని చెప్పి, పెళ్లి చేసుకోవడానికి ప్రయత్నించడం ఈ సరిహద్దులను పూర్తిగా ఉ ల్లంఘించినట్లే.