సమయస్పూర్తి

బస్టాండ్ లో కూర్చుని ఉన్నారు శ్రీధర్, విశాల, బాబీ. తన చేతిలోని క్రికెట్ బాల్ కేసి సంతోషంగా చూస్తున్నాడు బాబీ. అది చూసి చిరాకుపడ్డాడు శ్రీధర్.

- ఎం.ఆర్.వి.సత్యనారాయణ మూర్తి, పెనుగొండ. 9848663735

బస్టాండ్ లో కూర్చుని ఉన్నారు శ్రీధర్, విశాల, బాబీ. తన చేతిలోని క్రికెట్ బాల్ కేసి సంతోషంగా చూస్తున్నాడు బాబీ. అది చూసి చిరాకుపడ్డాడు శ్రీధర్.

“నీకు మరోసారి చెబుతున్నాను. ఆదివారం వచ్చిందని 'క్రికెట్' అంటూ పరిగెత్తకు. మీ అమ్మ చెప్పిందని, నువ్వు తొమ్మిది చదువుతున్నావని క్రికెట్ బాలు కొన్నాను. వచ్చే ఏడాది పదవతరగతిలోకి వస్తావు. అప్పుడు పూర్తిగా చదువు మీదే దృష్టి పెట్టాలి. అర్ధమయ్యిందా?” అన్నాడు శ్రీధర్ బాబీతో.

“అలాగే నాన్నా” అని బుద్ధిగా తలూపాడు బాబీ. హైస్కూల్ గ్రౌండ్ లో శేఖర్ బృందం క్రికెట్ ఆడుకుంటున్నారు. వాళ్ళ బాల్ పాడైపోయింది. అలాగే ఆడుతున్నారు. తను కొత్త క్రికెట్ బాల్ వాళ్లకి ఇస్తే,వాళ్ళ మొహాలు ఎంత ఆనందంగా వెలిగిపోతాయో ఊహించుకుంటూ సంతోషపడుతున్నాడు బాబీ.