தற்கொலை! -மதுரை சோகம்!

ஆகஸ்ட் 31, இரவு, மதுரை அரசு மருத்துவமனையின் 44ன் பிணவறை முன்பாக, "மகளை கொன்றவர்களை கைது செய்யும்வரை இங்கிருந்து போகமாட்டோம்" என்று தரையில் அமர்ந்து போராட்டத்தில் ஈடுபட்ட தாயை போலீசார் சமாதானப்படுத்த முயன்றுக்கொண்டிருந்தனர்.

- -அண்ணல்

தாய் செல்வி நம்மிடம், "150 பவுன் நகை போட்டு கடந்த ஆண்டு செப்டம்பரில், செல்லூரிலுள்ள இலங்கேஸ்வரன் - தனபாக்கியத்தின் மகன் ரூபன்ராஜுக்கு எங்கள் மகள் பிரியதர்ஷினியை திருமணம் செய்து கொடுத்தோம். கணவரின் தங்கைக்கு 300 பவுன் போட்டாங்களாம். அதுபோல நீங்களும் போடணும்னு கேட்டாங்களாம்.

கொஞ்சம் பொறுங்க, சொத்தை வித்தாவது போடுறோம்னோம். அடுத்தடுத்து, கார் வேணும்... இன்னும் 100 பவுன் வேணும்... என் மகனுக்கு 300 பவுன் நகை போட வரிசையில் இருக்காங்க... எங்களை ஏமாத்திட்டீங்கன்னு சொல்லி என் பொண்ணை டார்ச்சர் செஞ்சிருக்காங்க.