മൊബൈൽ ഫോൺ വരുത്തിയ വിന

"സാറേ... അതിന്റെ പരിണത ഫലമാണോ ഈ കറിയില്ലാത്ത ചോറ്.

- ബിജുക്കുട്ടൻ 8139807754

എന്തുപറ്റി ഗുണശേഖരൻ സാറേ താടിക്ക് കൈയ്യും കൊടുത്ത് ചിന്താമഗ്നനായി ഊണുമേശയുടെ മുൻപിൽ ഇരി ക്കുന്നത്?' ഓഫീസിലെ ക്ലാർക്കായ സരളയുടെ ചോദ്യമായിരുന്നു അത്.

ഉച്ചഭക്ഷണം കഴിക്കാനായി ജീവനക്കാർ ഒത്തുകൂടുന്ന ഊണുമേശയിൽ ചോറ്റുപാത്രം തുറക്കാതെ ഇരിക്കുകയായിരുന്നു ഗുണശേഖരൻ.

"അല്ലെങ്കിലും നമ്മൾ വന്നിട്ടല്ലേ സാർ ഊണു കഴിക്കുക'എന്ന് ഓഫീസ് അറ്റൻഡന്റ് ആയ വനജയുടെ മറുപടി.

വിരലിലെണ്ണാവുന്ന ജീവനക്കാർ മാത്രമുളള ഗുണശേഖരന്റെ ആഫീസിൽ കഴിയുന്നിടത്തോളം ദിവസങ്ങളിൽ ജീവനക്കാർ ഒന്നിച്ചിരുന്നാണ് ഉച്ചഭക്ഷണം കഴിക്കുന്നത്. ഗുണശേഖരൻ സാറിന്റെ ചോറ്റുപാത്രത്തിൽ നിന്നും വ്യത്യസ്ത കറികൾ പങ്കിട്ടെടുക്കാൻ ജീവനക്കാർക്ക് കഴിയുമെന്നുളളതായിരുന്നു അതിന്റെ രഹസ്യം.

എന്നാൽ അന്ന് പതിവിന് വിപരീതമായി കറികളുടെ പാത്രം സാറിന്റെ സമീപത്തില്ലായിരുന്നു എന്നുളളത് സരളയും വനജയും നകുലനും ശ്രദ്ധിച്ചു.

"സാറിന്റെ ചോറ്റുപാത്രം ഞാൻ തുറന്നു തരാം' എന്നാവേശത്തോടെ പറഞ്ഞു കൊണ്ട് നകുലൻ ഗുണശേഖരൻ സാറിന്റെ പാത്രം തുറന്നു.