બાપુનું કથામૃત બન્યું વિદ્યાર્થિનીના સંશોધનનો વિષય

મોરારિબાપુ શિક્ષણ રાહ બતાવે રામાયણ

- અરવિંદ ગોંડલિયા (સુરત) । દેવેન્દ્ર જાની (રાજકોટ)

રાજકોટના રેસકોર્સ મેદાનમાં ગયા મહિને મોરારિબાપુની ૯૪૭મી રામકથા યોજાઈ ત્યારે રાજકોટ રામમય બન્યું હતું. આ કથામાં બાપુએ રાજીપો વ્યક્ત કરી કહ્યું કે કથામાં યુવાનો મોટી સંખ્યામાં આવી રહ્યા છે એ મને ખૂબ ગમ્યું છે. ભોજનખંડ સહિતની સેવામાં પણ યુવાનોની હાજરી વિશેષ છે. આજના યુવાઓ ધાર્મિક પ્રસંગો કે કાર્યમાંથી પણ પોતાની કરિયરને ઉપયોગી હોય એવું શોધી લે છે એ ટ્રેન્ડ આવકારદાયક છે. આવો જ એક કિસ્સો રાજકોટની કથા વખતે સામે આવ્યો.