અહીં શિવરાત્રિ ઊજવાય છે માતાના મંદિરે!

..અને વર્ષોથી આ ગામમાં યોજાતા મેળામાં આદિવાસી પ્રજા શિવની નહીં, પણ દેવીશક્તિની આરાધના માટે આવે છે.

- અરવિંદ ગોંડલિયા (સુરત)

નેપાળના પશુપતિનાથ મંદિરની શૈલીમાં બનેલા મંદિરમાં બિરાજે છે ચાહામોગી અથવા તો પાંડોરી માતા.

શિવરાત્રિ એટલે શિવઆરાધનાનો ઉત્તમ દિવસ. આ દિવસે શિવાલયો ભોલેનાથના જયકારથી ગુંજી ઊઠે. દેશમાં શિવરાત્રિના અનેક મેળા ભરાય છે, પણ ગુજરાતના નર્મદા જિલ્લામાં દેવમોગરા નામની એક એવી જગ્યા છે જ્યાં શિવરાત્રિનો મેળો તો ભરાય છે, પણ એ શિવની નહીં, શક્તિની આરાધના માટેનો છે. અહીં લાખોની મેદની મેળો માણવા આવે છે.