વલ્લભકુળના કુળભૂષણ શ્રી વ્રજરાજકુમારજીની અધ્યક્ષતામાં ઈતિહાસ રચાયોસૌરાષ્ટ્રના ચોરડીમાં યોજાયું વિરાટ વૈષ્ણવ મહાસંમેલન

ચોરડીમાં વ્રજભૂમિનું નિર્માણ થશે. સંકુલમાં સ્કૂલ, કૉલેજ, ગુરુકુળ, ભોજનાલય, અતિથિ ભવનનું નિર્માણ થશે. રૂપિયા ૫૦૦ કરોડના ખર્ચે ‘કૃષ્ણ સંસ્કાર વર્લ્ડ’ના પ્રોજેક્ટની ખાતમુહૂર્ત વિધિ સંપન્ન, ૭૫ હજારથી વધુ વૈષ્ણવો ઊમટી પડ્યા.

- 

વિશ્વમાં પુષ્ટિમાર્ગીય વૈષ્ણવ સંપ્રદાયમાં સુવર્ણ અક્ષરે એક ઈતિહાસ રચાયો છે. સૌરાષ્ટ્રમાં રાજકોટ જિલ્લાના ગોંડલ તાલુકાનું ચોરડી ગામ હમણાં ‘વલ્લભાધીશ’ અને ‘જય રાધેશ્યામ’ના નાદથી ગુંજી ઊઠ્યું. અવસર હતો વૈષ્ણવ સંપ્રદાયમાં પ્રથમ વખત ચોરડીમાં નિર્માણ પામી રહેલા ‘શ્રી કૃષ્ણ સંસ્કાર વર્લ્ડ'ના પ્રોજેક્ટના ખાતમુહૂર્તનો. એ નિમિત્તે વલ્લભકુળની ૧૮મી પેઢીના આચાર્ય શ્રી વ્રજરાજકુમારજી મહોદયની અધ્યક્ષતામાં વિરાટ વૈષ્ણવ મહાસંમેલન યોજાયું. આ દિવ્ય અને ભક્તિસભર વાતાવરણમાં દેશ-વિદેશથી યોજાયેલા સંમેલનમાં વૈષ્ણવો ઊમટી હજારો વૈષ્ણવો પડ્યા હતા.

વલ્લભકુળની ૧૮મી પેઢીના આચાર્ય શ્રી વ્રજરાજકુમારજીની અધ્યક્ષતામાં પાર પડ્યું ‘શ્રી કૃષ્ણ સંસ્કાર વર્લ્ડ’ના પ્રોજેક્ટનું ખાતમુહૂર્ત.

વિશ્વભરના વૈષ્ણવ સંપ્રદાયના લોકોને એક છત્ર નીચે લાવી સનાતન ધર્મની ધજા વિશ્વમાં લહેરાવવાની નેમ સાથે ‘વલ્લભ યૂથ ઑર્ગેનાઈઝેશન' (વીવાયઓ) નામની સંસ્થા કાર્યરત છે. આ સંસ્થાના માધ્યમથી સંપ્રદાયના સંસ્કારના પ્રચાર-પ્રસાર માટે અનેક પ્રોજેક્ટ કાર્યરત છે. વૈષ્ણવ સંપ્રદાયમાં જુદા જુદા ૧૧ પ્રોજેક્ટ સાથે ગોંડલ તાલુકાના ચોરડી ગામમાં ‘કૃષ્ણ સંસ્કાર વર્લ્ડ’ની ખાતમુહૂર્ત વિધિ આચાર્ય શ્રી વ્રજરાજકુમારજીના વરદ હસ્તે સંપ્રદાય-સમાજના અગ્રણીઓ અને ૭પ હજારથી વધુ વૈષ્ણવોની હાજરીમાં શાસ્ત્રોક્ત વિધિ-વિધાનથી સંપન્ન થઈ ત્યારે ઈતિહાસ ચાયો. વૈષ્ણવ સંપ્રદાયમાં પ્રથમ વખત આટલું વિરાટ સંમેલન યોજાયું. આશરે ચાર કલાક સુધી ભક્તિભર્યા માહોલમાં કાર્યક્રમ યોજાયો, જેમાં ૩૦૦થી વધુ સ્વયંસેવકો ઉત્સાહથી જોડાયા.