એક સીન માટે રણબીર કપૂરે ૫૨ રિટેક્સ દીધા હતા!

‘તૂ જૂઠી મૈં મક્કાર' ફિલ્મના એક સીન માટે રણબીર કપૂરે ૫૨ રીટેક્સ આપ્યા હતા. દર વખતે રીટેક્સ માટેના કારણો અલગ-અલગ હતાં, પરંતુ રીટેક્સ વખતે તેમણે એક પણ વાર ગુસ્સો નહોતો કર્યાં.

- પાર્થ દવે

બોલિવૂડથી લોકોને હંમેશાં એક ફરિયાદ રહી છે કે, નેપોટિઝમને કારણે આઉટસાઇડર કલાકારોને યોગ્ય તક નથી મળતી. જેમ રાજાનો દીકરો રાજા બને છે તેમ બોલિવૂડમાં પણ સ્ટારના દીકરા જ સ્ટાર બને છે તેવું ઘણા સમયથી આપણે સાંભળતા આવ્યા છીએ, પણ તેમ છતાં ઘણા સ્ટાર કિડ્સને દર્શકોએ જાકારો આપ્યો છે. આવા એક્ટરોને નામ અને ઓળખાણ તો વારસામાં મળી છે, પણ આવડતને કમાવામાં તેઓ ક્યાંક નબળા પડ્યા છે, પરંતુ આ સ્ટાર કિડ્સમાં એક અપવાદરૂપ નામ આપવું હોય તો એ છે ઋષિ કપૂરના દીકરા રણબીર કપૂરનું. ‘તમાશા', ‘રોકસ્ટાર', ‘વેકઅપ સીડ' અને ‘એનિમલ' જેવી અઢળક ફિલ્મોમાં તેમણે પોતાની અભિનય ક્ષમતા મોટા પડદા પર સાબિત કરી છે અને એટલે જ કદાચ ફ્સિ ‘એનિમલ'ના ડિરેક્ટર સંદીપ રેડ્ડી વાંગાએ ‘એનિમલ’ ટાઇટલ ફિલ્મમાં પહેલીવાર ક્રેડિટમાં રણબીર કપૂરના નામની જ આગળ ‘સુપરસ્ટાર' લગાવ્યું હતું.