സ്വർണം വിറ്റാൽ 12.5% നികുതി ലാഭിക്കാൻ മാർഗമുണ്ട്

അച്ഛൻ വിവാഹത്തിനു നൽകിയ സ്വർണം 14 വർഷത്തിനുശേഷം വിൽക്കാൻ തയാറെടുക്കുന്ന രോഹിണി ചോദിക്കുന്നു, സ്വർണത്തിന് ആദായനികുതി നൽകണോ? ഇതിൽ ഏതെങ്കിലും തരത്തിൽ ഇളവുകൾ കിട്ടുമോ?

- CA സുബിൻ വി.ആർ. B.​com, FCA, DISA (ICAI) Chartered Accountant

സ്വർണവില കുതിച്ചുയർന്ന സാഹചര്യത്തിൽ വിറ്റ് ലാഭമെടുക്കുന്നവരുടെ എണ്ണം കൂടുകയാണ്. അതുകൊണ്ടുതന്നെ സ്വർണം വിറ്റുകിട്ടുന്ന തുകയ്ക്ക് ആദായനികുതി നൽകണോ എന്ന സംശയവും വ്യാപകമായി ഉയരുന്നു.

ക്യാപിറ്റൽ ഗെയിൻ ബാധകം

ആദായനികുതി നിയമപ്രകാരം സ്വർണത്തിനെ ഒരു മൂലധന ആസ്തിയായാണ് കാണുന്നത്. അതിനാൽ, സ്വർണം കൈവശം വയ്ക്കുന്നതിന് നികുതിബാധ്യതയില്ലെങ്കിലും അതു വിറ്റാലുണ്ടാകുന്ന ലാഭം ആദായ നികുതി പരിധിയിൽ വരും. അതുകൊണ്ടു വിവാഹസമ്മാനമായികിട്ടിയ സ്വർണം പിന്നീട് വിറ്റാൽ നികുതി ബാധകമാകും.