'തിരുവാനന്തരം' വിപണിയിൽ ഇനി റിവഞ്ച് റാലി

നെഗറ്റിവ് കാര്യങ്ങളൊക്കെ പിന്നിലായതോടെ ഇനി ഇന്ത്യൻ വിപണി റിവഞ്ച് റാലിയി ലേക്കു നീങ്ങാം. ആ തിരിച്ചുവരവിന് ഈ വർഷത്തെ ദീപാവലി വ്യാപാരം ആക്കംകൂട്ടും. സർക്കാർ പ്രഖ്യാപിച്ച പരിഷ്കരണ നടപടികളിലൂടെ ബാഹ്യ ആഘാതങ്ങളെ ചെറുക്കാൻ ഇന്ത്യൻ സമ്പദ് വ്യവസ്ഥയ്ക്ക സാധിക്കും.

- 

2024 സെപ്റ്റംബർ 27ന് നിഫ്റ്റിയും സെൻസെ ം യഥാക്രമം 26,277,35, 85,978.25 എന്നീ റെക്കോർഡ് ഉയരങ്ങളിലെത്തിയതിനു ശേഷം ഇന്ത്യൻ വിപണികളിൽ വലിയ തിരുത്തലുകളുണ്ടായി. കോവിഡിനു ശേഷം എത്തിയ, ശരിയായ അറിവോ ആസൂത്രണമോ ഇല്ലാതെ ഓഹരികളിൽ നിക്ഷേപിക്കുകയും ട്രേഡിങ് നടത്തുകയും ചെയ്ത ഒട്ടേറേ പേർക്ക് ഒടുവിൽ കൈപൊള്ളി. ഓവർ ട്രേഡിങ്ങും ഓപ്ഷനുകളിലെ അമിത പങ്കാളിത്തവും അതിനു വഴിയൊരുക്കി. ഒപ്പം ഇന്ത്യയിലെ കോർപറേറ്റ് വരുമാനത്തിലുണ്ടായ മാന്ദ്യവും ആഭ്യന്തരവിപണിയുടെ മോശം പ്രകടനത്തിന് ആക്കം കൂട്ടി.

അതേ സമയം വളർന്നു വരുന്ന മറ്റു സമ്പദ് വ്യവസ്ഥകളുമായി താരതമ്യപ്പെടുത്തുമ്പോൾ ഇന്ത്യൻ വിപണി ഇപ്പോഴും ഉയർന്ന നിലവാരത്തിലാണ്. പക്ഷേ, ജപ്പാനിലെയും ചൈനയിലെയും കുറഞ്ഞ വിപണിമൂല്യം ഇന്ത്യയിൽ നിന്ന് അവിടേക്കുള്ള വിദേശ സ്ഥാപന നിക്ഷേപകരുടെ (എഫ്പിഐ) ഒഴുക്കിനു കാരണമായി. അമേരിക്കൻ പ്രസിഡന്റ് തിരഞ്ഞെടുപ്പിൽ ഡോണൾഡ് ട്രംപ് വിജയിച്ചതിനു ശേഷമുണ്ടായ താരിഫ് പിരിമുറുക്കങ്ങൾ വിപണികളെ കൂടുതൽ ഭയപ്പെടുത്തി.

കരുത്തായി ആഭ്യന്തര നിക്ഷേപകർ

അതേ സമയം മ്യൂച്വൽ ഫണ്ടിലെ നിക്ഷേപകരുടെ എണ്ണത്തിലെ വർധനയും ഒന്നിച്ചും എസ്ഐപികളാ യും വരുന്ന വർധിച്ച നിക്ഷേപവും മേൽ പറഞ്ഞ വിദേശ നിക്ഷേപകരുടെ വിൽപനയെ ആഗീരണം ചെ യ്യുന്ന ഒരു കുഷ്യനായി പ്രവർത്തിച്ചു എന്നത് യാഥാർ ഥ്യമാണ്. നിലവിൽ ഏകദേശം 900 ബില്യൻ ഡോളർ മൂല്യമുള്ള ഇന്ത്യൻ മ്യൂച്വൽഫണ്ട് വ്യവസായം 2032 ആകുമ്പോഴേക്കും മൂന്നിരട്ടിയാകുമെന്നാണു പ്രതീക്ഷ.