പേടിക്കണം ലൈഫ് സ്റ്റൈൽ ഇൻഫ്ലേഷൻ കാലിയാകാം സമ്പന്നരുടെ പോക്കറ്റും

ജീവിതശൈലീരോഗങ്ങളെപ്പോലെ ജീവിതശൈലി പണപ്പെരുപ്പവും നിങ്ങൾക്കു തലവേദനയാകാം

- 

വരുമാനം കൂടുന്നതിനനുസരിച്ച് ചെലവുകളും കൂട്ടുന്ന വ്യക്തിയാണോ നിങ്ങൾ? എങ്കിൽ "ലൈഫ് സ്റ്റൈൽ ഇൻഫ്ലേഷൻ അഥവാ ജീവിതശൈലീപണപ്പെരുപ്പം' നിങ്ങളുടെ പോക്കറ്റ് കാലിയാക്കാം.

ലൈഫ് സ്റ്റൈൽ ഇൻഫ്ലേഷൻ

പണം കൂടുതൽ വരുമ്പോൾ ചെലവു കൂടുന്നതിൽ അസ്വാഭാവികതയില്ല. എന്നാൽ ചെലവ് ഉയർത്തുന്ന ഈ സ്വഭാവം ഒരു കെണിയാകാം' എന്ന് പലരും തിരിച്ചറിയാറില്ല. നമ്മുടെ ആരോഗ്യം മുതൽ അന്തസ്സിനെ വരെ സംരക്ഷിക്കുന്നതിനാൽ പണത്തിന്റെ ചെലവ് ക്രമേണ കൂടിവരും. എന്നാൽ വരുമാനം കൂടുന്നതിനനുസരിച്ചു കൂടുതൽ ചെലവാക്കിയാൽ ജീവിത ശൈലീപണപ്പെരുപ്പം നിങ്ങളെ ഞെരുക്കിത്തുടങ്ങും.

പണക്കാർക്കും സമ്പാദിക്കാനാകുന്നില്ല

ഉയർന്ന ആസ്തിയുള്ളവർക്കുപോലും വേണ്ടത്ര സമ്പാദിക്കാൻ കഴിയുന്നില്ല എന്ന് മാർസെല്ലസ് ഇൻവെസ്റ്റ്മെന്റ് മാനേജേഴ്സ് നടത്തിയ സർവേ ചൂണ്ടിക്കാണിക്കുന്നു. മാർസെല്ലസിന്റെ സ്ഥാപകൻ സൗരഭ് മുഖർജി പറയുന്നത് അതിസമ്പന്നർക്കു പോലും വേണ്ടത്ര സമ്പാദിക്കാൻ സാധിക്കാത്തവിധം ലൈഫ് സ്റ്റൈൽ ഇൻഫ്ലേഷൻ ഇന്ത്യയെ വരിഞ്ഞു മുറുക്കുകയാണ് എന്നാണ്. എച്ച്എൻഐ(High Networth Individual)കളുടെ വരുമാനം കുതിച്ചുയരുന്നുണ്ടെങ്കിലും, വലിയ ആഗ്രഹങ്ങൾ നിറവേറ്റാൻ സമ്പാദ്യം അപര്യാപ്തമാണത്രെ.