പഴങ്ങൾക്കും വേണം ബിസിനസ് മിടുക്ക്

ലളിതമായ തുടക്കം, കഠിനാധ്വാനം, പടിപടിയായി വളർച്ച... ആദ്യമേതന്നെ പോഷ് ഓഫിസ് എടുത്ത്, കോട്ടിട്ട് എംഡി എന്നു സ്വയം വിളിച്ചിട്ടൊന്നും കാര്യമില്ല.

- പി.കിഷോർ പ്രമുഖ ഫിനാൻഷ്യൽ ജേണലിസ്റ്റും കോളമിസ്റ്റുമാണ് ലേഖകൻ

പേരയ്ക്കയും മാങ്ങയും മുന്തിരിയും മറ്റും എല്ലാവർക്കും ഇഷ്ടമാണല്ലോ. ഇവയിൽ പലതരം ബിസിനസ് നടത്തുന്നവരുണ്ട്. ഒരേ നഗരത്തിലെ നിരവധി സ്ഥലങ്ങളിൽ ഒരേ സമയം വിൽപന നടത്തുക. വില കുറച്ചു പുറത്തുനിന്നും വാങ്ങുന്ന പേരയ്ക്കയോ മാങ്ങയോ വിൽക്കാൻ കുറെപ്പേർക്കു കൊടുക്കുന്നു. അവരതു തോർത്തു വിരിച്ചിരുന്നിട്ടോ പെട്ടി ഓട്ടോയിൽ കൊണ്ടു നടന്നോ വിവിധ ലൊക്കേഷനുകളിൽ വിൽക്കുന്നു.