നിഫ്റ്റി ഈ മാസം 27,000 മറികടന്നേക്കാം

യുഎസ് പലിശ കുറച്ചതോടെ സെപ്റ്റംബർ 24 ന് 26,000 എന്ന പുതിയ റെക്കോർഡ് കുറിച്ച് നിഫ്റ്റി ഒക്ടോബറിൽ 27,085 ലേക്കു മുന്നേറാനാണു സാധ്യത. റാലിയിൽ 26,205 ലും 26,561 ലും പ്രതിരോധവും തിരുത്തലിൽ 25,641 ലും 25,078 ലും പിന്തുണയും പ്രതീക്ഷിക്കാം.

- 

യുഎസ് ഫെഡറൽ റിസർവ് പലിശനിരക്ക് കുറച്ചതോടെ സെൻസെക്സും നിഫ്റ്റിയും പുതിയ ഉയരങ്ങളിലെത്തി. തൊഴിലില്ലായ്മ വേതനത്തിനുള്ള അപേക്ഷകൾ കുറഞ്ഞതും മാന്ദ്യഭീഷണി മറികടന്നതുമാണ് യുഎസ് സമ്പദ് വ്യവസ്ഥയ്ക്ക് ഉണർവു നൽകുന്ന ഘടകം. എന്നാൽ ജൂലൈയിൽ പലിശയുയർത്തിയ ജപ്പാൻ പിന്നീട് മാറ്റമൊന്നും വരുത്തിയിട്ടില്ല. പണപ്പെരുപ്പത്തിൽ കാര്യമായ ശമനമില്ലാത്തതുകൊണ്ട് ബാങ്ക് ഓഫ് ഇംഗ്ലണ്ടും പലിശ കുറച്ചിട്ടില്ല.

അതേ സമയം വിദേശനിക്ഷേപത്തിന്റെ ഒഴുക്ക്, ആഭ്യന്തര സമ്പദ്വ്യവസ്ഥയുടെ സ്ഥിരത എന്നിവയ്ക്കൊപ്പം യുഎസ് ആശങ്കകൾ ഒഴിഞ്ഞതും ഇന്ത്യൻ വിപണിക്കു കരുത്താകും.