கல்வித்துறையில் இந்தியப் பெண்கள்!

வரலாற்றில் பெண்கள் பல்வேறு பெரும் சாதனைகளை பெறுவதற்கு வரலாறு நெடுகிலும் போராட வேண்டி இருந்துள்ளது.

- 

இந்திய, தமிழ்நாடு வரலாற்றில் அதுபோலப் போராடிக் கல்வி பெற்ற, கல்வி பெறுவதற்குக் காரணமாக அமைந்த சாதனைப் பெண்களின் பட்டியல் இதோ...

சாவித்திரி பாய் பூலே: இந்தியாவில் பெண் குழந்தைகளுக்கான முதல் பள்ளியைத் தன்னுடைய கணவர் ஜோதிபா பூலேவுடன் இணைந்து அமைத்தவர். மகாராஷ்டிர மாநிலம் பூனாவுக்கு அருகே பிதேவாடாவில் 1848இல் அமைந்த அந்தப் பள்ளியில் கற்பித்ததன் மூலம், இவரே நாட்டின் முதல் ஆசிரியை ஆனார். இந்த முயற்சியில் அவர்களுக்கு உதவியாக ஃபாத்திமா பேகம் என்பவர் இருந்தார். பின்னர், தாழ்த்தப்பட்ட குழந்தைகளுக்கான பள்ளியையும் அவர்கள் தொடங்கினார்கள்.

கைகுஸ்ரா ஜஹான்: நாட்டிலேயே முதன்முறையாக இலவசக் கட்டாயக் கல்வியைத் தன் ஆட்சிக்கு உட்பட்ட அன்றைய போபால் மாகாணத்தில் 1918இல் வழங்கியவர். அந்த வகையில் கல்விக்கு முக்கியத்துவம் அளித்த முதல் ஆட்சியாளர் என்ற பெருமையைப் பெற்ற இவர், 'போபாலின் பேகம்' என்று அழைக்கப்படுகிறார்.