കുട്ടികളുടെ ആരോഗ്യത്തിന് ആയുർവേദ ചര്യകൾ

കുഞ്ഞിന്റെ ആരോഗ്യം സംരക്ഷിക്കുന്നതിന് ഉതകുന്ന ആഹാര രീതികളെക്കുറിച്ചും ജീവിതചര്യകളെക്കുറിച്ചും ആയുർവേദം വിശദമാക്കുന്നുണ്ട്

- ഡോ.കെ.വി.ആനന്ദകിഷോർ സീനിയർഫിസിഷ്യൻ ആര്യവൈദ്വശാല, കോട്ടയ്ക്കൽ

കുട്ടികൾക്ക് ശാരീരികവും മാനസികവും ബുദ്ധിപരവും സാമൂഹികവുമായ ആരോഗ്യം ലഭിക്കുന്നതിനു വേണ്ടി ഗർഭിണീപരി ചരണം മുതൽ ശ്രദ്ധി ക്കേണ്ടതുണ്ട്. ഗർഭിണിയു ടെ ജീവിതചര്യയും ആഹാര ക്രമവും രോഗാവസ്ഥയും ഔഷധസേവയും എല്ലാം തന്നെ ഗർഭസ്ഥശിശുവിന്റെ വളർച്ചയെയും ആരോഗ്യത്തെയും ബാധിക്കുന്ന കാര്യങ്ങളാണ്. അതുകൊ ണ്ടുതന്നെ ഗർഭിണീപരിചര്യ അതീവപ്രാധാന്യമർഹിക്കുന്നു. അതുപോലെ ബാല്യകാ ലത്ത് നേടിയെടുക്കുന്ന ആരോഗ്യം ഊർജസ്വലമായ യൗവനവും ആയാസരഹിതമായ വാർധക്യവും വാഗ്ദാനം ചെയ്യുന്നു.

മുലയൂട്ടൽ

ഗർഭാവസ്ഥയിൽ അമ്മയുടെ ശരീരത്തിൽനിന്ന് പൊക്കിൾക്കൊടിവഴി പോഷണം ലഭിച്ചിരുന്ന കുഞ്ഞിന് ജനനശേഷം ലഭിക്കുന്ന ആദ്യത്തെയും ഏറ്റവും പ്രാധാന്യമുള്ളതുമായ ആഹാരമാണ് മുലപ്പാൽ. മുലയൂട്ടൽ അമ്മയുടെയും കുഞ്ഞിന്റെയും ശാരീരികവും മാനസികവുമായ ആരോഗ്യത്തിന് ഉത്ത മമാണ്. അതായത് അമ്മയും കുഞ്ഞും തമ്മിലുള്ള വൈകാരികബന്ധം (സ്നേഹം, വാത്സല്യം) ദൃഢമാകുന്നു.

കുഞ്ഞിന് ആറുമാസം പ്രായമാകുന്നതുവരെ മുലപ്പാൽ മാത്രം കൊടുക്കുക. ആറുമാസത്തിനുശേഷം പഴങ്ങൾ, പച്ചക്കറികൾ, വീട്ടിൽ തയ്യാറാക്കുന്ന ലഘുവായ(ദഹിക്കാൻ പ്രയാസമില്ലാത്ത ഭക്ഷണപദാർഥങ്ങൾ ഇവ കൊടുക്കാവുന്നതാണ്. രണ്ടുവയസ്സുവരെയെങ്കിലും മുലയൂട്ടൽ തുടരണം.

കുറുക്കുകൾ

ആറുമാസം പ്രായമായാൽ കുട്ടികൾക്ക് കട്ടിയായ ആഹാരം കൊടുത്തുതുടങ്ങാം. കുഞ്ഞുങ്ങൾക്ക് നൽകുന്ന ഭക്ഷണം ശുദ്ധവും സ്വാഭാവികവും ആയിരിക്കണം. ശരിയായ പോഷകമൂല്യമുള്ള ഭക്ഷണരീതി ഉദരരോഗങ്ങൾ തടയുന്നതിനും ശരീരപോഷണത്തിനും സഹായിക്കും. ഒന്ന് ഒന്നര വയസ്സുവരെ കുട്ടികൾക്ക് ആഹാരം കുറുക്കു രൂപത്തിൽ കൊടുക്കുന്നതാണ് നല്ലത്. ധാന്യങ്ങൾ, ചെറുധാന്യങ്ങൾ, പയറുവർഗങ്ങൾ ഇവയുടെ മിശ്രിതം പാലിലോ വെള്ളത്തിലോ കുറുക്കി മധുരത്തിന് പാകത്തിൽ കൽക്കണ്ടവും ചേർത്ത് കൊടുക്കാവുന്നതാണ്. ഇത് കുട്ടികൾക്ക് കഴിക്കാൻ സൗകര്യവും ദഹിക്കാൻ എളുപ്പവുമാണ്. ഒരുവയസ്സിനുശേഷം കുട്ടികൾക്ക് മുതിർന്നവർ കഴിക്കുന്ന ആഹാരം കൊടുക്കാവുന്നതാണ്. ഇത് വീട്ടിൽ തയ്യാർ ചെയ്യുന്നതും പോഷകസമൃദ്ധവും ലഘുവും (ദഹിക്കാൻ എളുപ്പമുള്ളതും ആയിരിക്കാൻ പ്രത്യേകം ശ്രദ്ധിക്കണം.

പരമ്പരാഗതമായി കുട്ടികൾക്ക് നൽകിവരുന്ന ചില കുറുക്കുകൾ പരിചയപ്പെടുത്താം.