വെണ്ണപ്പഴത്തിൽ മുന്നേ തൊട്ടു അമ്പലവയലുകാർ

അമ്പലവയൽ ഇനി അവക്കാഡോ സിറ്റി

- 

പൈനാപ്പിൾ സിറ്റിയും മാംഗോസിറ്റിയുമുള്ള കേരളത്തിൽ ഇനി വരുന്നത് അവക്കാഡോ സിറ്റി! വയനാട് ജില്ലയിലെ അമ്പലവയലാണ് അവക്കാഡോ സിറ്റിയായി വളരുന്നത്. ഇതു സംബന്ധിച്ച് പ്രഖ്യാപനം കഴിഞ്ഞ മാസം അവക്കാഡോ ദിനത്തോടനുബന്ധിച്ചു നടന്ന ചടങ്ങിൽ കൃഷിമന്ത്രി പി. പ്രസാദ് നടത്തി. കേരള കാർഷിക സർവകലാശാലയുടെ അമ്പലവയൽ ഗവേഷണകേന്ദ്രവും വയനാട് ഹിൽ ഫാർമേഴ്സ് പ്രൊഡ്യൂസർ കമ്പനിയും ചേർന്നാണ് അവക്കാഡോ സിറ്റി വികസനത്തിനു നേതൃത്വം നൽകുന്നത്.