ഏലക്കാടുകളിൽ രാപാർക്കാം

വണ്ടൻമേട്ടിലെ ഏലത്തോട്ടത്തിനു നടുവിൽ ജയൻ ജോസഫിന്റെ എലെറ്റേറിയ

- 

മദിപ്പിക്കുന്ന ഗന്ധമുണ്ട് ഏലക്കായ്ക്ക്; മദിപ്പിക്കുന്ന കായാണ് ഓരോ ഏലക്കാടും കാടും കൃഷിയും തമ്മിൽ കലർന്നു കിടക്കുന്നതിന്റെ നിഗൂഢഭംഗി ആസ്വദി ക്കണമെങ്കിൽ ഏലക്കാടുകളിലെത്തണം. പണ്ടെന്നോ വനമായിരുന്നതിന്റെ ഓർമകളും അടയാളങ്ങളും നിറഞ്ഞു നിൽക്കുന്നുണ്ട് ഓരോ ഏലത്തോട്ടത്തിലും. ഏലക്കാട്ടി ലൂടെ നടക്കുന്ന ഏതൊരാളെയും ഈ വനഭംഗി വന്ന് തൊട്ടുവിളിക്കും. എലക്കായയുടെ സുഗന്ധം കലർന്ന കാറ്റ്ഈ മലനിരകളിലെ മനഷ്യാധ്വാനത്തിന്റെ കഥകൾ പറയും. എലെറ്റേറിയ'യിലേക്ക് സന്ദർശകർ വരുന്നതും ഈ അനുഭവങ്ങൾ ആസ്വദിക്കാൻ തന്നെ.

കോട്ടയത്തു നിന്ന് ദശാബ്ദങ്ങൾ മുൻപ് ഇടുക്കി കട്ടപ്പന പുളിയൻമലയിലേക്കു കുടിയേറിയ കർഷക കുടുംബാംഗമായ കൊപ്പുഴ വീട്ടിൽ ജയൻ ജോസഫ് വണ്ടൻ മേട്ടിൽ ഒരുക്കിയിരിക്കുന്ന എലെറ്റേറിയ' ഏലകൃഷിയുടെ ടൂറിസം സാധ്യതകൾ മികച്ച രീതിയിൽ പ്രയോജനപ്പെ ടുത്തുന്ന സംരംഭമാണ്. പ്രകൃതിക്കും കൃഷിക്കും തെല്ലും അലോസരമുണ്ടാക്കാതെ കൃഷിയും വിനോദസഞ്ചാരവും തമ്മിൽ ലയിപ്പിച്ച് വരുമാനം വർധിപ്പിക്കുകയാണ് ജയൻ ചെയ്യുന്നത്.

കൃഷിക്കൊപ്പം ടൂറിസം