പത്തു സെന്റ് വീട്ടുവളപ്പിലും മുട്ടക്കോഴിവളർത്തലാകാം

ഒരു സെന്റ് നീക്കിവച്ചാൽ 20 കോഴികളെ വരെ വളർത്താം

- ഡോ. വി.കെ.പി. മോഹൻകുമാർ

പത്തു സെന്റ് സ്ഥലമുള്ള പുരയിടത്തിൽ ഒരു സെന്റ് സ്ഥലത്ത് 15-20 മുട്ടക്കോഴികളെ വളർത്താം. നിലത്തു നിന്ന് അൽപം ഉയരത്തിൽ വച്ച് കൂടും നല്ലയിനം കോഴിക്കുഞ്ഞുങ്ങളുമുണ്ടെങ്കിൽ വീട്ടാവശ്യത്തിനു പുറമേ അൽപം ആദായത്തിനുമുള്ള മുട്ട ഉറപ്പ്.

പല മോഡലുകളിൽ കൂടുകൾ ഇന്നു വിപണിയിൽ ലഭ്യമാണ്. ഓരോരുത്തരുടെയും ആവശ്യത്തിനും ആശയത്തിനും അനുസൃതമായ കൂടുകൾ നിർമിക്കുകയുമാവാം. തറയിൽനിന്ന് 4 അടി ഉയരത്തിൽ താഴ്ഭാഗം തകരപ്പാളി കളും മുകളിലേക്ക് ജിഐ കമ്പികളും നെറ്റും ചേർത്തു നിർമിക്കുന്ന കൂടുകൾ പാമ്പുകളിൽ നിന്നും നായ്ക്കളിൽ നിന്നും കോഴികൾക്കു സംരക്ഷണം നൽകും. മഴ, വെയിൽ എന്നിവ ഏൽക്കാതിരിക്കാൻ കൂടിനു മുകളിൽ ഷീറ്റിന്റെ കവചവും നൽകാം.