വീടിനൊപ്പം വളർന്ന ഏദൻതോട്ടം

 വിദേശ പഴവർഗങ്ങളുടെ അപൂർവ ശേഖരം

- 

പഴത്തോട്ടത്തിനു നടുവിലൊരു വീട്. കുടുംബസ്വത്തായി കിട്ടിയ 75 സെന്റിൽ വീടു വയ്ക്കും മുൻപേ ആ സ്വപ്നം കൂത്താട്ടുകുളം സ്വദേശി പാറയിൽപീടികയിൽ ഡയസിന്റെയും ഭാര്യ ഷീബയുടെയും മനസ്സിലുണ്ടായിരുന്നു. ഏക മകൻ ജേക്കബ് തോട്ടത്തിലൂടെ ഓടിക്കളിക്കുന്നതും വിദേശ പഴങ്ങൾ ആസ്വദിക്കുന്നതുമൊക്കെ അവർ സ്വപ്നം കണ്ടു. അതുകൊണ്ടു തന്നെ തങ്ങളുടെ സ്വപ്നം സഫലമായപ്പോൾ അവർ അതിന് ജേക്കബ്സ് ഓർച്ചാർഡ് എന്നു പേരുമിട്ടു.