അവേശം നിറച്ച് ഫഹദ് ഫാസിൽ

ഫഹദ് ഫാസിൽ റീ ഇൻട്രൊഡ്യൂസിംഗ് ഫഫ എന്ന ടാഗ് ലൈനി ലാണ് സിനിമ എത്തിയത്. ആ ടാഗ് ലൈൻ തികച്ചും അന്വർത്ഥമാക്കുന്ന തരത്തിലാണ് അദ്ദേഹത്തിന്റെ പ്രകടനവും. ആദ്യ ഷോട്ട് മുതൽ അവസാന ഷോട്ട് വരെ ഒരേ എനർജിയാണ് ഫഹദ് കാണികൾക്കു നൽകുന്നത്. ലൗഡ് ആയുള്ള ഡയലോഗ് ഡെലിവറിയും മാസ് മാനറിസങ്ങളും കഥാപാത്രത്തിനു പൂർണമായും യോജിക്കുന്നത്. അൻവർ റഷീദ് എന്റർടെയ്ൻമെന്റ്സിന്റെ ബാനറിൽ അൻവർ റഷീദും ഫഹദ് ഫാസിൽ ആൻഡ് ഫ്രണ്ട്സിന്റെ ബാനറിൽ നസ്രിയ നസീമും ചേർന്ന് നിർമിച്ച ചിത്രമാണ് ആവേശം. ഫദഹ് ഫാസിൽ എന്ന നടൻ ഇതുവരെ ചെയ്തതിൽ വച്ച് ഏറ്റവും വ്യത്യസ്തമായ കഥാപാത്രമാണ് ആവേശത്തിൽ ചെയ്തിരിക്കുന്നത്. രംഗ എന്ന കന്നഡച്ചുവയുള്ള കഥാപാത്രത്തെയാണ് ഫഹദ് അവതരിപ്പിക്കുന്നത്. വ്യത്യസ്തമായ കഥാപാത്രത്തെ കുറിച്ചും സിനിമയെ കുറിച്ചും ഫഹദ് ഫാസിൽ വെള്ളിനക്ഷത്രത്തോട് മനസ് തുറക്കുന്നു...

തിയേറ്ററുകളിൽ ആവേശം നിറഞ്ഞു കവിയുകയാണ്. എന്തു തോന്നുന്നു?

ഇതുപോലൊരു സിനിമയും കഥാപാത്രവും ഞാൻ ഇതുവരെ ചെയ്തിട്ടില്ല. എന്റെ കഥാപാത്രമായ രംഗ സംസാരിക്കുന്നത് മലയാളവും കന്നഡയും കലർന്ന ഭാഷയിലായതിനാൽത്തന്നെ ഏറെ വ്യത്യസ്തവും സങ്കീർണവുമാണ്. എന്നെ തേടി വരുന്ന സിനിമകളാണ് ഞാൻ ചെയ്യുന്നത്. പക്ഷേ, ആവേശം എന്നെ തേടി വന്നപ്പോൾ, വളരെ എന്റർടെയ്നിങ്ങ് ആയ ഈ ചിത്രം ചെയ്തു നോക്കണമെന്ന് എനിക്കുതോന്നി. മാത്രമല്ല ഇത് നല്ലൊരു തിയേറ്റർ എക്സ്പിരിയൻസായ സിനിമയാണെന്ന് കഥ കേട്ടപ്പോൾ തന്നെ എനിക്കു മനസിലായിരുന്നു. എന്തായാലും തിയേറ്ററുകളിൽ ആവേശം നിറഞ്ഞു കവിയുന്നുവെന്ന് കേൾക്കുമ്പോൾ നല്ല സന്തോഷമുണ്ട്.

രോമാഞ്ചത്തിനു ശേഷം ജിത്തു ചെയ്ത സിനിമയാണിത്. അദ്ദേഹത്തെ കുറിച്ച് പറയാമോ?

ജിത്തു എന്ന സംവിധായകന് വേണ്ടത് അതുവരെ ആരും ചെയ്തിട്ടില്ലാത്ത സംഭവമാണ്. എല്ലാവരെയും കൊണ്ട് അത്തരം സംഭവങ്ങൾ ജിത്തു ചെയ്യിക്കും. അത് തിയേറ്ററിൽ കാണാവുന്ന തരത്തിലുള്ള പാക്കേജുമായിരിക്കും.

ഫഹദ് എങ്ങനെയാണ് ആവേശത്തിൽ എത്തിയത്?