റാണി

ഇന്ദ്രൻസിന്റെ കുറ്റാന്വേഷകൻ

- വാഴൂർ ജോസ്

തിരക്കഥാക്കഥാകൃത്ത്, സംവിധായകൻ, അഭിനേതാവ് എന്നിങ്ങനെയുള്ള മേഖലകളിലെല്ലാം തന്റെ സജീവസാന്നിധ്യം അരക്കിട്ടുറപ്പിച്ച പ്രതിഭയാണ് ശങ്കർ രാമകൃഷ്ണൻ, ശങ്കർ രാമകൃഷ്ണൻ തിരക്കഥ രചിച്ച് സംവിധാനം ചെയ്യുന്ന പുതയ ചിത്രമാണ് റാണി. മലയാളത്തിൽ ഏറെ ശ്രദ്ധേയമായ ഉറുമി, മാമാങ്കം, നെത്തോലി ചെറിയ മീനല്ല തുടങ്ങിയ ചിത്രങ്ങൾക്ക് തിരക്കഥയൊരുക്കിയത് ശങ്കറാണ്. പൊന്നിയിൻ സെൽവത്തിന്റെ രണ്ട് പതിപ്പുകളുടെയും മലയാള സംഭാഷണം രചിച്ചതും ശങ്കറാണ്. കേരളാ കഫെയിലെ ഒരു ചിത്രവും പതിനെട്ടാംപടി എന്ന ചിത്രവും സംവിധാനം ചെയ്തു കൊണ്ട് സംവിധാനരംഗത്തും ശങ്കർ തന്റെ പ്രാഗത്ഭ്യം തെളിയിച്ചു. നിരവധി ചിത്രങ്ങളിൽ അഭിനേതാവായും തിളങ്ങി.

പലപ്പോഴും കാലഘട്ടത്തിന് മുമ്പേ സഞ്ചരിക്കുന്നതാണ് ശങ്കറിന്റെ പ്രമേയങ്ങൾ. ചില ചിത്രങ്ങൾ ശ്രദ്ധിച്ചാൽ അത് മനസ്സിലാകും. കാൽനൂറ്റാണ്ടു കഴിയുമ്പോഴും ആ ചിത്രങ്ങളുടെ പ്രസക്തി ഭദ്രമായി നിലകൊള്ളും.

റാണി ഒരു പാൻ ഇൻഡ്യൻ ചിത്രം